У нас есть только
оригинальные песни

100 dollarlik metall Meizu M5s rasman taqdim etildi

calendar 18.02.2017
2332

15 феврал куни Хитойнинг Meizu компанияси янги Meizu M5s номли ҳамёнбоп телефонини тақдим қилди. Ушбу смартфон Meizu M3s моделининг меросхўри бўлиб, металл корпус ҳамда бармоқ излари сканерига эга. Мазкур сканер mTouch 2.1 стандартидаги «Home»тугмасидан ўрин олган.

Смартфон 5,2 дюймли, унинг дисплей сиғими HD (720 x 1280 пиксель). Экран 2.5D туридаги силлиқ ҳошияли ҳимоя шишаси билан қоплаб олинган. Гаджетдаги бош камера 13 мегапикселли. Камера фазали автофокус тизими ва икки тусли фоточақноққа эга. Телефонда 5 мегапикселли олд камера мавжуд.

Ҳамёнбоп смартфонга 1,3 ГГц частота тезлигида ишлайдиган 8 ядроли MediaTek MT6753 процессори, Mali-T760 график-тасвир чипи ўрнатилган. Гаджетнинг оператив хотираси 3 ГБ ҳамда доимий ички хотира версиясидан келиб чиқиб, 16 ёки 32 ГБ.ни ташкил қилади. Бу хотирани кенгайтириш учун қўшимча флешка учун microSD бўлмачаси ташкил қилинган.


Meizu M5s аккумулятор 3 000 мА соат қувват сиғимига эга. Ундаги mCharge 18w технологияси смартфонга тезкор қувват олиш имконини туғдиради.

Смартфон 2 та SIM-картани қўллаб-қувватлайди. Мобиль алоқа воситаси алоқанинг LTE ва VoLTE, Wi-Fi (802.11 a/b/g/n; 2.4 ГГц / 5 ГГц), Bluetooth 4.0 LE, GPS ҳамда ГЛОНАСС тармоқларига мўлжалланган.
Meizu M5s ўлчамлари: 148,2 х 72,53 х 8,4 мм, вазни — 143 грамм. Телефон Android 6.0 Marshmallow операцион тизимининг ўзлаштирилган Flyme OS 6.0 талқинида фаолият кўрсатади. Смартфон кумуш, кул ранг, тилла ва оч тилла ранг талқиндаги корпусларда ишлаб чиқилмоқда.


Meizu M5s Хитойда 20 февралдан сотувга чиқарилади. Девайснинг 16 ГБ талқини 116 АҚШ доллари, 32 ГБ талқини 145 доллардан сотилади. Телефоннинг халқаро бозорда март-апрел ойларида сотувга чиқиши кутилмоқда.

Яндекс.Метрика