13-август куни Тошкент Хўжалик судида "МТС-Ўзбекистон” иши бўйича ариза кўриб чиқилади.
Эслатиб ўтамиз, Ўзбекистон қонунларига хилоф иш тутган «Ўздунробита» фаолияти 30 июлдан бошлаб 3 ой муддатга тўхтатилиши маълум қилинганди. ЎзААА 2012 йилнинг 9-августида Тошкент хўжалик судига "МТС-Ўзбекистон” алоқа компаниясининг барча лицензияларидан маҳрум этиш бўйича мурожаат этган. Бунга операторнинг ҳудудий филиаллари ноқунуний равишда, лицензиясиз фаолият юритгани иддао қилинмоқда. ЎзАААга иддаосига кўра, компаниянинг лицензион талабларини бажармаганлик борасидаги қарзи умумий ҳисобда 210 миллион долларни ташкил этади.
МТС ўз мурожаатномасида эса "Ўздунробита” 2004 йилдан бери фаолияти давомида республиканинг барча қонуний талабларига амал қилиб, кам-кўстсиз бажариб келган.
Шамол бўлмаса, дарахт учи қимирламайди. Кўрамиз, "шамол” қандай эсган-у, компания бошига қўндирган "тухум” синишига нималар сабабчи бўлган? Қонун одил. Вақт олий ҳакам. Биргаликда кузатамиз.
Жасур ҲАМРОЕВ