19 ёшли ўспирин онлайн-ўйинларни ўйнайвериб оёқлари чириб кетганини сезмай қолди

28.06.2016

2958

Хитойлик Чень исмли 19 ёшли фуқаро саломатлигига беэътиборлиги туфайли икки оёғидан айрилди, деб ёзади “Vesti.md” нашри.
 
Гап шундаки, йигитча 6 кун давомида интернет-кафеда ўйин ўйнаш билан банд бўлган. Барча пулларини онлайн-ўйин ўйнашга сарфлаган йигит 6 кун давомида на овқатланган ва на сув ичган.
 
6 кундан сўнг, ҳуқуқ-тартибот органлари ходимлари йигитчани темир йўл станцияси ёнидан оч, холсиз аҳволда топишди.
 
Интернет-кафеда чивин чақиши оқибатида йигитчанинг оёқлари қонаб, йиринглаб кетганди. Шифокорлар унинг йиринглаб, суякларигача чириб кетган оёқларини сақлаб қола олишмади. Бу ҳақда Ченнинг отасига хабар берилганида, у ўғлини бедарак йўқолди, деб ўйлаганини айтган. Отасининг айтишича, улар ўғилларига соатлаб компьютер ўйинларини ўйнашни ман этишгани учун у 6 кун аввал уйдан қочиб кетган экан.