1 iyuldan boshlab O'zbekistonda kobeyjing kartalari ishlab chiqariladi

Yaqinda O'zbekiston naqd pulsiz hisob-kitob tizimida haqiqiy o'zgarish yuz beradi - 1 iyulga qadar mamlakatda kobeyjing kartalari joriy etiladi. Bu qanday karta ekanligi va mamlakatimiz aholisi nega buni shuncha uzoq vaqtdan beri kutgani haqida Yagona umumrespublika protsessing markazi bosh direktori Ahror Mahmudov ma`lumot berdi.

Kobeyjing kartalari bu - bir necha, odatda, ikkita to'lov tizimi uyg'unligida xizmat ko'rsatuvchi bank kartalari. Ya`ni, u xuddi odatiy kartaga o'xshaydi, farqi - undan har ikki to'lov tizimi infratuzilmasida foydalanish mumkin ekanligida, ya`ni  mahalliy va xorijiy.

«So'nggi besh oyda biz keng miqyosli loyiha ustida ishlayapmiz – bu kobeyjing kartalarini tatbiq etish. Bu degani, bitta kartada ikkita to'lov tizimi birlashtiriladi, ulardan biri UzCard milliy tizimidir. Ikkinchi to'lov tizimini esa ehtimoliy to'rttadan birini tanlash mumkin - «China UnionPay», «MIR», «Visa» va «Master Card». Karta egasi boshqa mamlakatda ushbu kartalardan foydalanganida mablag' kerakli xorijiy valyutaga avtomatik ravishda konvertatsiya qilinadi – O'zbekiston Respublikasi Markaziy Banki tomonidan o'rnatilgan valyutalar kursi bo'yicha amalga oshiriladigan  tranzaksiyada belgilangan pul miqdori avtomatik ravishda Xitoy yuani, Rossiya rubli, yevro yoki AQSh dollariga aylantiriladi. Bunday kartalarning joriy etilishi bilan fuqarolarning konversion kartalarni ochishga bo'lgan ehtiyoji pasayishi mumkin, sababi konversion kartalar  o'zida bir qator imkoniyatlarni jamlaydi.», - deya aniqlik kiritdi YaUPM rahbari Ahror Mahmudov.

Uning so'zlariga ko'ra, loyihani amalga oshirish uchun mamlakatimiz fuqarolarining talablari o'rganilib,  eng qulay bo'lgan xorijiy to'lov tizimlari tanlandi. Misol uchun, agar karta egasi Xitoyga tez-tez qatnaydigan bo'lsa, unga UzCard va China UnionPay tizimlarini birlashtiruvchi kobeyjing kartasidan foydalanish qulay bo'ladi. Rossiya Federatsiyasida ishlayotgan mehnat muhojirlari uchun UzCard va MIR to'lov tizimlarini birlashtirish maqsadga muvofiqdir.

«To'lov tizimlari ro'yxatiga «MIR»ni kiritib, biz fuqarolarimizning Rossiya Federatsiyasiga, shu jumladan, ishlash  maqsadida tez-tez qatnashlarini hisobga oldik. Misol uchun, qo'lida «MIR»  va UzCard logotiplari uyg'unlashgan kobeyjing kartasiga ega bo'lgan mehnat migrantlari unga ish haqlarini olishlari va kerakli pul mablag'ini mobil ilovalar orqali O'zbekistondagi oila vakillariga kichik komissiya - taxminan 0,5% evaziga o'tkazib yuborishlari mumkin. Bu pul o'tkazmalarini amalga oshirishga yaratilgan muqobil variant hisoblanadi. Bundan tashqari, bu holatda komissiya Rossiyada emas, balki bizning banklarimizda yechib olinadi», - deydi Ahror Mahmudov.

Kobeyjing kartalarida ikkita logotip joylashtiriladi - milliy va xalqaro to'lov tizimlaridan biri. YaUPM bosh direktori so'zlariga ko'ra, mijozning istagiga ko'ra, kartalar UzCard logotipi bilan taklif qilinayotgan to'rtta xorij to'lov tizimlaridan biri uyg'unligida  ochiladi. Natijada kobeyj kartalarining hisob raqami har xil bo'ladi, ya`ni to'rtta hisob raqami ostida yuqorida keltirilgan  to'lov tizimlari xizmat ko'rsatadi.

Ushbu kartalar nafaqat ish safarlari va sayohatlarda qo'l keladi, kobeyjing kartasi orqali xorijiy saytlarda ham to'lovlarni amalga oshirish, aviachiptalarni sotib olish, mehmonxonalar va boshqa buyumlarga, uydan chiqmagan holda tranzaksiyani o'tkazish imkoni bor. Chet ellik sayyohlarni ham shu kabi qulaylik kutmoqda. Buning uchun O'zbekistonning barcha hududlarida 250 mingga yaqin terminallar paydo bo'ladi. Endi «China UnionPay», «MIR», «Visa» yoki «Master Card» kartalari egalari mamlakatning eng chekka qishloqlarida ham to'lovlarni naqd pulsiz amalga oshirishlari mumkin bo'ladi.

«Ushbu loyiha 1 iyulga qadar amalga oshirilishi kerak. Biroq, buni bir oy oldin amalga oshirishni rejalashtirmoqdamiz. Ayni paytda «China UnionPay» qisman ishlayapti. Ikki oy ichida barcha to'rtta tizim ishga tushadi, hamda 1 iyuldan boshlab konversion kartalarga nisbatan kengroq imkoniyatni namoyon qiluvchi yangi kartalar muomalaga kiradi. Plastik kartalarga ega bo'lgan fuqarolar o'z bank-emitentlariga murojaat qilishlari va xalqaro to'lov tizimlaridan birini tanlab, kobeyjing kartasiga almashtirishlari mumkin. Yaqin kunlarda plastik kartasi bo'lmagan shaxslar ham istalgan bankka murojaat qilishlari va kobeyjing kartalari egasiga aylanishlari mumkin», - deya ta`kidlab o'tdi Mahmudov.

Suhbatdoshimizning so'zlariga ko'ra, kobeyj kartasini ishlab chiqarish va O'zbekiston bo'ylab o'z egasiga yetkazib berish 1 - 2 kunni talab etadi. Uning narxi esa tanlangan to'lov tizimiga bog'liq bo'ladi. Misol uchun, «MIR» biroz arzonroq, «Visa» - qimmatroq bo'lishi mumkin. Biroq, Mahmudovning bildirishicha, ushbu kartalarning narxi aholining o'rtacha oylik maoshidan kelib chiqib, o'rtacha 30 ming so'm atrofida belgilanadi.


Комментарии (0) | Добавить: 17.04.2018
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
Поиск MP3 и Клипы

«Новости»

Kunduzgi uyqu hayot uchun xavfli deb topildi
Nonushtaga banan? Yo‘q, bu xavfli
Oiladagi janjalda uka halok bo'ldi
Ekologik falokatda faqat Rossiya manfaat olishi mumkinligi ma`lum bo'ldi
Tramp Xitoyni “talon-tarojlik”da aybladi
Pxenyandagi parad ko'p yillar davomida ilk marta ballistik raketalar namoyishisiz o'tdi
Olimlar uyqusizlik sabab semirish ehtimoli yuqori ekanligini aniqlashdi
O‘zbekistonda Facebook bilan bog‘liq muammolar fonida mobil VPN ommaviyligi keskin oshdi
Bosh vazir o'rinbosari: «Ayollarga nisbatan zo'ravonlikka chek qo'yaylik!»
Ilonlar qurg'oqchilikdan keyin kamroq, yog'ingarchilikdan keyin ko'proq chaqishi aniqlandi
2019 yilda O'zbekistonda ko'pkari bo'yicha ilk jahon chempionati o'tkaziladi
Mi 8 Pro xalqaro bozorga chiqyapti – u Xiaomi’ning yangi flagmanimi?
Ikki daqiqada uyquga ketish mumkin. Amerikalik harbiylar usuli
“Ular me’yordan chiqishgan”. Olimjon Xudoynazarov “Dizayn” jamoasining tarqalgan audiolariga munosabat bildirdi (video)
Jurnalistlar Trampni sovuq urush uslubida masxara qildi
Saloh Misr terma jamoasi o'yinida 2 gol urib, 2 golga pas berdi va 2 penaltini urolmadi
Rustam Sa’diyev “Baron 2” filmining suratga olish ishlari qaysi davlatlarda bo‘lib o‘tishini ma’lum qildi
«Telegram»ning «klon»i paydo bo‘ldi
Alisher Usmonov tug‘ilgan kunini taniqli oligarxlar bilan Toshkentda nishonlamoqchi
Majburiy mehnatga jalb qilinganlar uchun ishonch telefonlari ishga tushirilmoqda
O'zbekistonda 10 sentabrdan 9 raqamli raqamlash tizimiga o'tiladi
Salbiy kayfiyatda uyg'onish – o'ta xavfli
Shahram G'iyosov navbatdagi raqibini ma`lum qildi. Bu uning faoliyatidagi eng kuchli raqib
Tramp Apple’ga ishlab chiqarishini AQShga qaytarishni tavsiya qildi
Ayrim mahsulotlarni birga iste`mol qilib bo'lmaydi. Shu to'g'rimi?
15 sentabr “Avtomobilsiz kun” aksiyasiga start beriladi
Makgregor UFC chempioni bo'lgan qizga ruhiy jarohat yetkazdi
Pasport yo'qolganda nima qilish kerak
Qanday xodimlarga dastlabki sinov belgilanmaydi?
Facebook ishlamayaptimi: unda sizga VPN yordam beradi