2013 - YILDA IPHONENING BOZORI ANCHA CHAQQON BO'LADI

10.01.2013

3209

2013 йилда арзон iPhone пайдо бўлиши мумкин.

Apple корпорацияси iPhone нинг арзон версияси устида ишламоқда, у 2013 йилнинг ўзидаёқ сотувга чиқиши мумкин. Шу тарзда компания йўқотган позицияларини қайтаришни режалаштирмоқда.

Ҳозир компания арзонроқ материаллардан смартфон тайёрлаш имконини ўрганяпти. Хусусан, бюджетли iPhone корпуси iPhone 5 ники каби алюминий эмас, балки поликарбонатли пластикдан тайёрланиши мумкин. Бунда аппаратнинг қолган деталлари ўзгармаслиги ёки қайта ишланмаслиги мумкин. Агар компаниянинг режалари ўзгармаса, янги смартфон бозорга 2013 йилнинг иккинчи ярмидаёқ чиқади.

Эслатиб ўтамиз, ўтган йил сентябрида янги Apple iPhone 5 смартфонининг сотувлари бошланганидан буён компания акциялари 25% га арзонлади, чунки янги смартфон таҳлилчиларнинг умидларини оқлагани йўқ.

Қиммат бўлмаган iPhone ишлаб чиқарилишини Apple концепциясининг кескин ўзгариши, деб ҳисоблашмоқда. Стив Жобс пайтида компания премиум синфидаги товарларни ишлаб чиқаришига урғу берарди. Айни пайтда эса Android платформасидаги гаджетлар ишлаб чиқарувчилари билан рақобат кучайган, дея хабар беради РБК.

IDC нинг маълумотларига кўра, 2011 йилнинг тўртинчи чорагида Apple улушига жаҳон бўйича смартфонларни етказиб беришнинг 23% тўғри келган бўлса, 2012 йилнинг учинчи чорагида компаниянинг бозордаги улуши 14,6% гача камайган. Samsung компанияси эса ўз улушини 2010 йилнинг учинчи чорагидаги 8,8% дан 2012 йилнинг учинчи чорагидаги 31,3% га оширди