2015 yilning 1 yanvaridan boshlab Janubiy Koreyaning barcha
restoranlarida va umumiy ovqatlanish joylarida sigaret chekish
taqiqlanadi. Bu haqda mamlakatning Sog'liqni saqlash va ijtimoiy
ta'minot vazirligi axborot beradi. Hozirda chekish maydoni 100 kv
metrdan katta bo'lgan kafe va restoranlarda taqiqlangan bo'lsa, kelasi
yildan bu taqiqlov barcha ovqatlanish shaxobchalariga, shu jumladan,
internet-kafelarga ham qo'llanadi.
Bu muassasalarga tashrif buyuruvchilar yangi qoidalarga ko'nikishlari
uchun martgacha davom etadigan o'tish davri amalga kiritiladi.Bu muddat o'tgandan keyin taqiqlovni buzgan chekuvchining o'ziga 100
ming von (90 dollar), muassasa egasiga esa 1,7 mln von (1,53 ming
dollar) jarima solinadi. Bundan tashqari, mamlakatdagi barcha
ovqatlanish shaxobchalari (ular 600 mingdan ko'proq) chekuvchilar uchun
mo'ljallangan stollarni bartaraf etishlari hamda agar zaruriyat
tug'ilsa, chekmasdan tura olmaydiganlar uchun alohida xonalar tashkil
etilishi kerak.