2015 yilning 4 oktyabrida Qodiriy va Fitratlarga qatl hukmi o'qilganiga 77 yil to'ldi

Bugun, 4 oktyabr kuni, SSSR jazo mashinasi tomonidan o'zbek ziyolilarining yoppasiga qatl etilishi va boshqa yo'llar bilan yo'q qilinishi amalga oshirila boshlanganiga roppa-rosa 77 yil to'ldi.

4-7 oktyabr kunlari O'zbekiston tarixining eng fojiali kunlari bo'ldi. Aynan o'sha kunlarda SSSR Oliy sudi muvaqqat kollegiyasi qarori bilan o'zbek madaniyati va siyosatining 507 nafar eng etuk a'zolariga o'lim hukmi o'qildi. Hukm favqulodda tezkorlik bilan, 4-16 oktyabr kunlari ijro etildi.

Shu kunlarda otib tashlangan ko'zga ko'ringan fan, madaniyat va siyosat arboblaridan Abdulla Qodiriy, Abdulhamid Cho'lpon, Abdurauf Fitrat, Rahim Inog'omov, Usmonxon Eshonxo'jaev, Rustam Islomov, Fayzulla Rahimboev, G'ozi Olim Yunusov, Qayum Ramazon, Po'lat Soliev, Xudoybergan Devonov va boshqalarni tilga olib o'tish mumkin.