2016-yilda eng ko‘p tomoshabin to‘plagan o‘zbek filmlari
31.12.2016 2937
O‘zbekiston kinosanoatida yozilmagan bir qoida bor — barcha filmlarning asosiy taqdimoti Toshkentdagi Alisher Navoiy nomli kinosaroyda bo‘lib o‘tadi. 2015-yilning dekabridan 2016-yil yakuniga qadar bu kinokoshonada 40 ga yaqin premyera tashkil etildi.
Jurnalist Feruz Muhammad, kinosaroy kassasi tomonidan taqdim etilgan ma’lumotlar asosida, 2016-yilning eng ko‘p tomoshabin to‘plagan milliy filmlar o‘nligini tayyorladi.
E’tiborli tomoni, yilning eng tomoshabop o‘zbek filmlari reytingidan davlat buyurtmasi asosida suratga olingan faqat bir film — “Baron” o‘rin olgan. Mazkur film yil boshida O‘zbekiston kinoteatrlarini tomoshabinlarga to‘ldirgan edi.
10-o‘rin. “Men yolg‘onchiman” (fantastik komediya)
Rejissor — Behzod Joniyev. Namoyishi 13-fevralda boshlangan.
9-o‘rin. “Boyvachcha kuyov” ( komediya)
Rejissor — Bahrom Yoqubov. Namoyishi 15-oktabrda boshlangan.
8-o‘rin. “Toshtabib” (komediya)
Rejissor — Javlon Shodmonov. Namoyishi 23-aprelda boshlangan.
7-o‘rin. “Aldagani quda yaxshi” (komediya)
Rejissor — Naufal Sulaymonov. Namoyishi 2-avgustda boshlangan.
6-o‘rin. “Vahshiy” (drama)
Rejissor — Ozod Shams. Namoyishi 11-mayda boshlangan.
5-o‘rin. “Notanish qotil” (jangari)
Rejissor — Azamat Ahrorov. Namoyishi 16-sentyabrda boshlangan.
4-o‘rin. “Majnun” (melodrama)
Rejissor — Jahongir Ahmedov. Namoyishi 7-martda boshlangan.
3-o‘rin. “Qaysarginam” (komediya)
Rejissor — Azamat Ahrorov. Namoyishi 2015-yil 13-dekabrda boshlangan.
2-o‘rin. “Dadam bilmasin” (komediya)
Rejissor — Jahongir Ahmedov. Namoyishi 2015-yil 30-dekabrda boshlangan.
1-o‘rin. “Baron” (drama)
Rejissor — Rustam Sa’diyev. Namoyishi 16-yanvarda boshlangan.