23 noyabr – World of Warcraft o'yini yaratilgan sana

2004 йилнинг 23 ноябрь куни Blizzard фирмаси йирик масштабли, кўп фойдаланувчиларга мўлжалланган World of  Warcraft номли тармоқли ўйинни чиқаради ва айнан ушбу санада ўйиннинг АҚШдаги сотувлари бошлаб юборилади.

Ўйин воқеалари одамлар, эльф, гном ва бошқа мавжудотлар иштирокидаги тўқима дунёда бўлиб ўтади. Ушбу жанр тез орада геймерлар орасида оммалашиб, кўпчиликнинг эътиборини қозонади. Ҳатто ҳолат шу даражага етадики, Швециянинг The Youth Care Foundation ташкилоти ўйинни хавфли машғулотлар қаторига киритади. Ўсмир йигитнинг тўхтовсиз 20 соат мазкур ўйинни ўйнаб, натижада шифохонага тушиши ташкилотнинг шундай хулоса қилишга ундаган эди.

Ferra нашрининг ёзишича, Blizzard компаниясининг 2009 йилда берган хабарига кўра, онлайн ўйин жами 75 мингта процессорда ишлайдиган ва 1,3 петабайт хотирага эга серверлар ёрдамида қўллаб-қувватланган, бунинг учун жами 4600 та ходим жалб этилган.


Комментарии (0) | Добавить: 23.11.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]