3D-фильмларни томоша қилиш мия реакцияси ва фаолиятини яхшилаши аниқланди

Британиялик олимлар уч фазоли кинофильмларни томоша қилиш инсон асаб тизими ва миясига катта таъсир кўрсатишини аниқлашди.Голдсмит университети илмий ходимлари 100дан ортиқ кўнгиллилар иштирокида ноодатий тадқиқот ўтказишди. Иштирокчилар икки гуруҳга бўлинди. Бир гуруҳ Disney томонидан яратилган "Қаҳрамонлар шаҳри” анимацион фильмини 3D форматда, бошқа гуруҳ эса оддий форматда томоша қилди.Фильмни томоша қилишдан аввал ва кейин иштирокчилар хотирани баҳолаш ва реакцияни текширишга мўлжалланган идрок қилиш билан боғлиқ тестларни бажаришди. 3D фильм томоша қилган иштирокчиларнинг мия фаоллиги 23 фоизга ошгани аниқланди. Шунингдек, уларнинг мия реакцияси 11 фоизга ошган.Мутахассисларнинг таъкидлашича, уч фазоли форматда фильмларни томоша қилиша эвазига ақли заифлик ва бошқа касалликлардан қочиш мумкин. Олимларнинг айтишича, 3D-фильмларни кўришнинг муҳимлиги шундаки, бу реал ҳаётдаги воқеаларни кузатиш жараёнига жуда ўхшашдир