4—5-yanvar kunlari O‘zbekiston hududiga Kavkazdan nam va sovuq havo massasi kirib keladi

03.01.2018

1298

“O‘zgidromet”ning ma’lumotlariga ko‘ra 4—5-yanvar kunlari O‘zbekiston hududiga Kavkazdan nam va sovuq havo massasi kirib kelishi kutilmoqda. Bu haqda FVVning Facebook’dagi sahifasida xabar qilindi.

Qoraqalpog‘iston Respublikasi va Xorazm viloyatida yomg‘ir, qor yog‘ishi kutilmoqda. Havo harorati kechasi 0—5 daraja sovuq, kunduzi 2—7 daraja iliq bo‘ladi. G‘arbdan sekundiga 7—12 metr tezlikda shamol esadi.

“Qamchiq” dovoni hududida esa havo o‘zgarib turadi, vaqt-vaqti bilan qor yog‘adi. Havo harorati 3—8 darajagacha pasayadi, kunduzi esa 0—5 daraja sovuq bo‘lishi kutilmoqda. G‘arbdan sekundiga 7—12 metr tezlikda esayotgan shamol ayrim joylarda sekundiga 15—20 metrgacha metrgacha kuchayishi mumkin.