АҚШ давлат котиби Грузия, Украина ва Польшага ташриф буюради

АҚШ давлат котиби Жон Керри яқин кунларда Тбилиси, Киев ва Варшавага ташриф буюради. Бу ҳақда АҚШ давлат департаментининг сайтида маълум қилинган.
Грузия пойтахтига ташриф 6 июль куни бўлиб ўтади. Маълум қилинишича, Керри Грузия бош вазири Георгий Квирикашвили билан мамлакатнинг НАТО билан ҳамкорлигини муҳокама қилади.

Керри 7 июль куни Украинага боради ва у ерда мамлакат президенти Пётр Порошенко, мамлакат бош вазири Владимир Гройсман ва “бошқа украин етакчилари” билан кўришади. У ерда Керри Украинадаги ислоҳотлар жараёни, Минск шартлари бажарилиши ва бошқа кўплаб масалаларда музокара олиб боради.

АҚШ давлат котиби 8 июль куни Варшавада ўтадиган НАТО саммитида АҚШ президенти Барак Обама билан учрашади. Маълум қилинишича, музокараларда НАТОнинг истиқболда хавфсизликни таъминлаши ва бошқа кўплаб масалаларда суҳбат олиб борилади.


Комментарии (0) | Добавить: 01.07.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]