Frantsiyaning Air France aviakompaniyasi xodimlari samolyot shassisidan jasad topishdi, deb xabar beradi France-Presse agentligi.
Aytilishicha, tana San-Paulu shahridan Parijdagi Orli aeroportiga kelib qo'ngan Boeing 777 samolyotiga texnik xizmat ko'rsatish chog'ida aniqlangan.
Aeroport vakilining so'zlariga qaraganda, jasadni Parij sud-tibbiyot institutiga yuborishgan. Ish bilan havo-transport o'tkazmalari jandarmeriyasi shug'ullanadi.
Ta'kidlanishicha, Еvropaga noqonuniy kirib olmoqchi bo'lgan odamlar ba'zan shunday qaltis joylarga berkinib, oqibatda halok bo'ladilar.