Amazon «Барселона»нинг титул ҳомийсига айланиши мумкин

08.07.2016

1226

АҚШнинг йирик интернет хизматлари билан шуғулланадиган Amazon компанияси «Барселона» клубининг титул ҳомийсига айланиши мумкин.

«Барселона» мавсумдаги илк ўртоқлик ўйинини 30 июль куни «Сельтик»га қарши ўтказади. Ўшангача клуб титул ҳомий масаласини ҳал қилиши керак. Айни вақтда Қатарнинг Qatar Airways компанияси «Барселона»нинг титул ҳомийси ҳисобланади. Каталонияликлар Қатар корхонаси ва Amazon'дан бирини танлаши керак.

«Барселона» титул ҳомийсидан йилига 65 миллион евро фойда кўрмоқчи. Бироқ Аmazon ҳали бу таклифни қабул қилгани йўқ.