Angliya Superkubogi. «Chelsi» klubi «Arsenal»ga qarshi maydonga tushadi

Bugun Angliyada Superkubok bahsi bo'lib o'tadi. Joze Mourino boshchiligidagi "Chelsi” klubi "Arsenal”ga qarshi bahs olib boradi. Arsen Venger uzoq vaqtdan beri Mourino jamoasini mag'lub eta olmayapti. Bugun "to'pchilar” ana shu vazifani uddalashga urinib ko'rishadi. O'z vaqtida "aristokratlar” ham mavsumdagi ilk sovrinni qo'lga kiritishga harakat qilishlari aniq. Garchi Mourino ushbu o'yinning ahamiyati u qadar yuqori emasligini aytib o'tgan bo'lsa ham, uning bu harakatlari faqatgina o'z futbolchilaridan bosimni olib tashlashga urinish ekanini hamma yaxshi biladi. O'yin "Uembli” stadionida Toshkent vaqti bilan soat 19:00da boshlanadi.