Apple Janubiy Koreyada o‘zining ilk chakana do‘konini ochishni rejalashtirmoqda

Apple bozorida asosiy raqobatchisi Samsung Electronics yetakchilik qiladigan Janubiy Koreyada o‘zining ilk chakana do‘konini ochishni rejalashtirmoqda. Bu haqda “Interfaks” xabar berdi.

Kompaniya 6-yanvar, juma kuni o‘z veb-saytida Janubiy Koreyada 15 ta ish o‘rni, jumladan, do‘kon rahbari lavozimiga tanlov e’lon qilinishi haqida ma’lumot joyladi. Biroq Apple vakillari do‘kon qachon va qayerda ochilishini oshkor etishdan bosh tortdi.

Janubiy Koreya Apple uchun murakkab bozor bo‘lib, mamlakatda sotilayotgan smartfonlarning 80 foizi mahalliy ishlab chiqaruvchilar — Samsung va LG Electronics hissasiga to‘g‘ri keladi.

Apple Janubiy Koreyada o‘z mahsulotlarini mahalliy aloqa operatorlari, shuningdek, kompaniya vakillari sifatida litsenziya oladigan riteylerlar yordamida sotadi.


Комментарии (0) | Добавить: 06.01.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]