Apple компанияси Apple Music’ни бутунлай янгидан ишлаб чиқишни режалаштирмоқда

04.05.2016

770

Apple компанияси бир йил аввал пайдо бўлган Apple Music хизматига қатор радикал ўзгаришлар киритишни режалаштирди. Бу ҳақида Bloomberg нашри хабар беради.

Биринчи навбатда, компания дастур фойдаланувчиларга янада тушунарлироқ бўлиши учун интерфейсни янгилашга ҳаракат қилади. Бундан ташқари, онлайн-радио ва офлайн тинглаш учун мусиқалар юклаб олиш ҳам аҳамиятли даражада ижобий томонга ўзгаради.

Янгиланган хизматнинг тақдимоти июнь ойида ташкил этиладиган WWDC 2016 - Бутунжаҳон дастурчилар анжуманида бўлиб ўтиши кутилмоқда. 

Ҳозирги кунда дунё бўйлаб 11 миллионга яқин киши Apple Music хизматидан фойдаланади.