Apple компанияси iPad’нинг арзон вариантини тақдим қилмоқчи

15.08.2016

1235

Apple компанияси 2017 йилда iPad’нинг янги версиясини тақдим қилиши мумкин. Бу ҳақда KGI Securities таҳлилчиси Мин-Чи Куога иқтибос келтирган ҳолда Macrumors маълум қилмоқда. 

Таҳлилчининг айтишича, Apple бирданига учта янги планшет тайёрламоқда. Унинг фикрича, компания 12,9 дюйм диагоналга эга iPad Pro 2 ва 10,5 дюйм диагоналга эга iPad Pro устида ишламоқда. Бундан ташқари, мутахассис яна битта ҳамёнбоп планшет яратилишини тахмин қилмоқда. 

Куонинг айтишича, Apple шу тариқа таълим сегменти учун мўлжалланган қурилмалар бозорини эгалламоқчи. Таҳлилчиларнинг прогнозича, компания талаб пастлиги сабабли Mini қаторини ривожлантиришдан воз кечади.