У нас есть только
оригинальные песни

Apple tillarang iPhone X ishlab chiqaradi

calendar 20.03.2018
1398

Mashhur rusiyzabon insayder Veniamin Geskin o'zining Twitter'dagi sahifasida Apple kompaniyasi iPhone X smartfonlari qatorini tillarang qurilma bilan kengaytirishga tayyorlanayotgani haqida ma`lum qildi. 

"Brush Gold rangidagi iPhone ishlab chiqarishda", - deb yozadi u.

Gaskin Brush Gold rangidagi SIM-karta lotkasi suratini yuklab, vendor yangi rangdagi iPhone X'ni ishlab chiqarayotganiga ishora qildi. Ta`kidlash joizki, bunday rangdagi smartfonning 3D-tasvirlari flagman relizidan bir necha oy oldin paydo bo'lgandi. Biroq Apple iPhone X'ni ikki rangda taqdim etdi — kumushrang va "kulrang kosmos".

iPhone X bilan bir vaqtda namoyish etilgan iPhone 8 tillarang versiyada ham taqdim etilgan edi. Shuningdek manbada aytilishicha, Apple kompaniyasi RED aksiyasi doirasida o'zining so'nggi qurilmasini qizil rangda taqdim etishi ham ehtimoldan xoli emas. Tillarang ayfon yaqin orada paydo bo'lishi kutilmoqda, zero bunday rangdagi smartfonlar Osiyo bozorlarida juda mashhur.

Яндекс.Метрика