AQSh va Rossiya mudofaa vazirlari Eshton Karter va Sergey Shoygu bu yilda birinchi marta muzokaralar o'tkazdilar. Bu haqda Pentagonga iqtibos keltirgan holda Reuters axborot agentligi ma'lum qildi.
Karterning aytishicha, davlatlar birgalikdagi sa'y-harakatlarini "IShID” terrorchilik guruhiga qarshi kurash va Suriyada muvaqqat siyosiy tuzumning o'rnatilishiga ko'mak berishga qaratishlari kerak.
Vazirlar deyarli 1 soat suhbatlashishdi. Oxirgi marta Shoygu Pentagon bilan 2014 yilda Pentagonga Chak Xeygel boshchilik qilgan paytda aloqa qilgan edi.