AQShda Arnold Shvartseneggerning o'limi haqidagi mish-mishlar katta rezonans keltirib chiqardi
30.08.2015 1639
Gollivud aktyori va Kaliforniya shtatining sobiq gubernatori Arnold
Shvartseneggerning o'limi haqidagi mish-mish AQShda katta mojaroga sabab
bo'ldi, deb xabar bermoqda The Inquisitr nashri.
msmbc.co elektron
adresiga ega sayt aktyor o'zining Los-Anjelesdagi uyida o'lik topilgani,
politsiyachilar uyning eshigini buzib kirishganda uning jasadini
topishgani haqida mish-mish chop etgan. Bundan tashqari, xabarda go'yoki
Shvartseneggerning yaqinlari uning o'limini tasdiqlaganlari aytilgan.
Mahalliy OAVlarga voqea tafsilotlarini batafsilroq bilmoqchi bo'lgan
aktyor muxlislaridan rekord darajadagi qo'ng'iroqlar kelib tushgan.
Ba'zilar aktyorning o'z mashinasida yurganini, boshqalar esa uni ishchi uchrashuvda ko'rganlarini ta'kidlashgan.
Qayd
etilishicha, aktyorning o'limi haqida yolg'on axborot tarqatgan
noma'lum shaxslar AQShda ommaviy bo'lgan MSNBC.com kabel televideniesi
nomiga taqlid qilish bilan o'zlariga e'tiborni jalb qilishgan va aynan
shu holat xabarga ishonarli tus bergan.
Shvartseneggerning o'zi bu voqeaga izoh berishdan bosh tortdi.