Asabiylikning oqibatlari bilan tanishing!

Организмимиздаги ўзгаришларга ўзимиз сабабчимиз, десам ишонасизми? Аслида ҳам шундай экан-да. Айниқса, асабийлик оқибатида нафақат турли хасталиклар балки умримизни ҳам қисқартирамиз, дейди руҳшунослар.

«Вой-вой бошим...»

Тез-тез бошингиз оғриши асабийлик ва унинг оқибатида келиб чиқадиган ҳавотир, ҳадик хиссидан бўлади. Фаҳмлаганингиздек, бш оғриқларининг чораси тинчланиш ва ҳар бир воқеа-ҳодисани кўнгилга яқин олмасликдир.

«Кўзим қизариб кетди...»

Атрофингиздаги ҳодисаларга таъсирчанлигингиз туфайли асабийлашасиз. Бу эса кўз нурининг хиралашиши ҳамда шу аъзо билан боғлиқ бошқа безовталикларни келтириб чиқаради. Тушунганингиздек, кўзларингизни асраш учун салгина бепарво бўлишни ўрганишингиз керак.

«Қулоққинам оғриди-я...»

Суҳбатдошингизни тинглашни билмайсиз. Бу ҳақида ўзингизга айтишганида эса жахлингиз чиқади. Қулоқ оғриғингизнинг боиси ҳам шу. Муаммонинг ечимини билдингиз-а?!

«Тумовдан безор бўлдим...»

Фикрларингизни тўғри ифода этолмайсиз. Сизни нотўғри тушунишганида эса хафа бўлиб, ўз қобиғингизга ўралиб оласиз. Мудом атрофдагилардан аразлаш, бўлиб ўтган воқеалардан гина қилиш нафас йўли, хусусан бурунга зарар экан. Бу ҳодисани илмий асослаб берсак узоқ тушунтиришга тўғри келади. Шу боис қисқагина қилиб, гиначилигингизни йиғиштиринг ва тумовдан ҳалос бўласиз деймиз.

«Томоғи-и-и-м...»

Одамлар мен ҳақимда қандай фикрда эканлар, дея ҳамиша турли хаёлларга бериласиз, хатти-ҳаракатларингизни назорат қилиш билан бандсиз. Бордию кимдир сизга танбеҳ берса, ҳақлигингизни исботлашдан чўчийсиз. Яъни гапиролмайсиз. Шунга ҳам томоғингиз тез-тез оғриб туради. Бу албатта руҳият ва тана саломатлигининг бир-бирига боғлиқлиги. Ишониш , ишонмаслик эса ўзингизга боғлиқ.

«Қорин дам бўлиши»

Эътибор берган бўлсангиз киши хаяжонланганида қорин соҳасида аллақандай тушунарсиз ходиса рўй беради. Асабийлашганимизда эса қоринда оғриқ ёки газ тўпланиши содир бўлади. Аниқланишича, асаб толалари қўзғалиб ана шундай ўзгаришларга сабаб бўларкан. 


Комментарии (0) | Добавить: 10.12.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]