Asqar Hikmatov: “Rejissyorlar mendan foydalana olmayapti”

Aktyor Asqar Hikmatov bilan qisqacha suhbat:

1. Asqar, “lallaygan, baqiroq, og`zidagi oshini oldirib yuradigan”, qisqasi bir xil rollardan charchamadingizmi?

— Rejissyorlar shunday rollarni berib charchamayapti-ku, men ham ijro etib beraveraman. Rejissyorlarga “bu rolni o`ynamayman”, demayman, chunki “Mening do`stim jin”ni inobatga olmaganda, o`ynagan rollarim u qadar yomon emas.

2. Rejissyor Jahongir Ahmedov sizni komik aktyor sifatida kashf etdi. Lekin nega qolgan rejissyorlar Asqar Hikmatovni “plastilin” qilib foydalana olmayapti yo bitta “qolip”da yurish o`zingizga yoqyaptimi?

— Bitta “qolip”da yurish o`zimga ham yoqmaydi, albatta. Rejissyorlar meni “plastilin” qilib ishlatsin. Hatto suratga olish maydonchasiga borganimda ham rejissyorlarga “mendan foydalana olmayapsizlar”, deb takror-takror aytaman. “Nega? Shu rol bo`ladi”, kabi mujmal javoblarni eshitaman. Rejissyor Ozod Shamsning “Voy-dod-2” filmida suratga tushganimda ham bu borada e`tiroz bildirganman. Rejissyor Bahrom Yoqubovning “Boyvachcha kuyov” filmini suratga olish jarayonida esa o`z ijroimdan qoniqmagandim. Bahrom aka “Film tayyor bo`lsa ko`rasan”, deya ijroim ko`ngildagidek ekaniga ishontirgandi. Katta ekranda o`zimni ko`rganimda haqiqatda rolim o`zimga manzur bo`ldi. Shu ikkita filmdagi rolimni solishtirib, rejissyorlar mendan qay darajada foydalana olgan yo aksi ekanini bilib olish qiyin emas. Balki rejissyorlar meni jiddiy rolda ko`ra olmayotgandir? Lekin bu xato xulosa. Hech bo`lmasa kastingga chaqirib, sinab ko`rishsin. Ishonasizmi, umrimda bir marotabagina “Avtotest” serialining kastingiga chaqirishgan, xolos.

3. Yillar o`tib, aktyor Asqar Hikmatovni qaysi filmi orqali eslasharkin?

— “Tundan tonggacha”, “Tilim qursin” filmlaridagi rollarim va Mirpiyoz rolim bilan, bu aniq!

4. Komediya va bachkanalik chegarasi qachon buziladi?

— Chegarasini bilmaymanku-ya, lekin ozgina ortiqcha xatti-harakat, mantiqsizlik bachkanalikka o`tadi. Muhimi, oradagi me`yorni saqlay bilish. Misol bilan aytib, qaysidir aktyorni xafa qilib qo`yishdan qo`rqaman. “Tundan tonggacha” filmidagi miltiq sahnasini bir eslang. Matyoqub Matchonov, Alisher Uzoqov va men rolni jiddiy o`ynaganmiz, lekin tomoshabin miriqib kuladi. Rejissyor Jahongir Ahmedov mendan “Buratino”dagi Pero singari oshiq yigitni ijro etishimni talab qilgan. Agar ortiqcha “ixtiro” qilganimda, aniq komediya chegarasidan o`tib, bachkanalikka qadam qo`yardim.

5. Komediya janrida o`z muxlislarini topgan Murod Rajabov, Muhammadiso Abdulxairov, Zuhra Solievaga nega ko`pchilik muxlislar “bachkana” degan tamg`ani qo`yib qo`yishgan?

— Murod akaning rollarida bachkanalikni ko`rmaganman. Muhammadiso Abdulxairov borasidagi gaplarda jon bor. Rejissyorlarning aybi bachkana rollarga chaqirayotgani, Muhammadiso akani aybi esa shunday rollarga rozi bo`layotgani. Rejissyorlarimiz Muhammadiso Abdulxairovni istalgan ampluada rol o`ynay oladigan iste`dodli aktyor ekanini unutmasin. Rejissyorlar bu aktyordan unumli foydalana olmayapti. Zuhra opani ham o`z yo`nalishiga mos xatti-harakati, kulishi bor, bachkana emas.

6. Davlat filmlariga takliflar yo`qmi yo rejissyorlar Jahongir Ahmedov bilan Iqbol Meliqo`zievga sodiq aktyor bo`lish istagidamisiz?

— Hali davlat filmlaridan taklif bo`lganicha yo`q. Aktyorman, istalgan rejissyorning filmida rol ijro etaman. Rejissyorlar Ayub Shahobiddinov va Rustam Sa`diev bilan ishlab ko`rish niyatim bor.

7. Kinoda siz uchun ideal “rafiqa” bu — Sevara Solieva, Shahzoda Muhammedova yoki...

— Sevara Solieva. Tashqi ko`rinish, chapani fe`l-atvor jihatdan to`la bir-birimizga mos tushamiz.

8. Suhbatlari­mizdan birida “Uyda kam bo`ladigan o`g`il, mehribon akaman”, degandingiz. Endilikda qanday turmush o`rtoqsiz?

— Bir qo`lida shokolad, ikkinchi qo`lida qamchisi bor turmush o`rtoq, shunday qilmasa bo`lmaydi (kuladi). Rafiqam hozircha shokoladdan ko`p eb qo`ydi. O`zimning ham niyatim qam­chi­ni­ ishlatmaslik.

9. Etarli darajada rashkchi ekaningizdan xabarim bor. Rafiqangiz bu borada sizni ortda qoldirmayaptimi?

— Rafiqam ham rashkchilik bobida tengsiz. Aktrisa Sevara Solievadan boshqa hamma “partnyor”larimdan rashk qiladi. Qolaversa, mehribonligi, hazilkashligi, ishlarni bilib-bilib qilishi jihatdan ham bir xilmiz. Va bir qo`lida shokolad, ikkinchi qo`lida qamchisi borligidan meni bexabar, deb o`ylaydi o`zicha. “Qamchini baribir ishlatmayapsan, tashlab yuboraver. O`rniga yana bitta shokolad ol”, deganman o`ziga.

— Nega o`z ustingda ishlamay qo`yding? Balki bunga oxirgi paytda “yulduzlik kasali”ga chalinganing sababdir? Faqat o`zingni oqlama!

— Jahongir aka “o`chib” qolsak, shunday tanqidlar bilan ruhlantirib turasiz. Ustoz, anchadan beri yoningizga borolmayapman, tan olaman oila bilan ovora bo`lib qoldim, o`zimni oqlamayapman. “Yulduzlik kasali”ga kelsak, sal noto`g`ri qadam bossam, birinchi bo`lib yo`limni to`g`irlab qo`yadigan o`zingizsiz-ku (kuladi)! Mendan ko`proq narsani kutasiz, bu talabchanligingizni qadrlayman.


Комментарии (0) | Добавить: 14.02.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Chiroyli avtoraqamlarning taxminiy narxi ma`lum, lekin bu yakuniy baho emas
Интернет нега тез арзонлашмаяпти - “Ўзбектелеком” изоҳи
Putin qay tariqa prezident bo‘lganini so‘zlab berdi
Тиш пасталарини танлашда рекламаларга ишониш керакми?
Avtomobilda uzoq yo‘lga otlanganlar uchun qiziqarli o‘yinlar
Jastin Biber Xitoyda konsert berishiga taqiq qo‘yildi
Putin: Ukraina korrupsiya domiga g'arq bo'lmoqda
Ertalab uyqudan turish nega biroz mushkul?
Mirziyoyev Toshkent viloyatidagi ikki tuman hokimini va yana bir qancha amaldorlarni ishdan oldi
Prezident virtual qabulxonasiga yo'llangan murojaatlar soni 1 millionga yetdi
«O'zbekiston 24» telekanali 24 iyul kuni ish boshlaydi
Fidjet spinnerlar haqida barcha haqiqatlar
Maktabga ryukzakni qanday tanlash kerak? Ota-onalarga maslahatlar
Qanday oziq-ovqatlar uyquga salbiy ta’sir ko‘rsatadi?
Shavkat Mirziyoyev Toshkent viloyatidagi ot zavodiga bordi
O'zbekistonda shakar narxi oshdi
Moskvada o‘tkinchi ayol Putinni o‘pib oldi
Dilnoza Kubayeva: “O‘zbek kinosi juda qaltis vaziyatga tushib qolyapti”
G'ayriqonuniy hukm yoxud sud ustidan kimga shikoyat qilish kerak?
“Davlat xizmati to'g'risida”gi qonun loyihasi ishlab chiqildi, meritokratiya tushunchasi joriy etiladi
Biz nega kechikamiz va bu odatdan qanday qutulish mumkin?
Neymar «PSJ»ga o'tishga juda yaqin turibdi, uning otasiga 40 mln yevro taklif qilishdi
Xorazmda Komiljon Otaniyozov tavalludining 100 yilligi nishonlanmoqda
Styuardessalar yo‘lovchilarning eng asabga tegadigan qiliqlari haqida hikoya qilib berdi
O'zbekistonda qurol olib yurishga ruxsat berilishi mumkin
Iste’molchilar qachon elektr va gaz tarmoqlaridan uzib qo‘yiladi?
Aqlli odamlar hech qachon yo‘l qo‘ymaydigan 5 narsa
Ovqatga to‘ymayotganligingizning 4 belgisi
Vannaxonani tozalash borasida 8 ta foydali maslahat
Qanday qilib asablarni tinchlantirish va stressni ketkazish mumkin?