General Motors Uzbekistan O'zbekiston — Amerika qo'shma korxonasi
avtomobil modellari qatoriga Aveo (T250) qo'shiladi. Bu haqda Gazeta.uz
xabar tarqatdi.
O'zbekiston hukumatining joriy yil 11 sentyabrdagi qaroriga binoan,
"O'zavtosanoat” kompaniyasi T250 modelidagi mashinalarni ishlab
chiqarishni yo'lga qo'yish bo'yicha tayyorgarlik ishlarini boshladi.
Xabarda aytilishicha, T250 modeli texnologiyasi va nou-xausi mulkdori
bo'lgan General Motors kompaniyasi bilan texnologik jihozlashning
tuzilmasi aniqlab olingan.
Hukumat "O'zavtosanoat”ga loyihani dastlabki texnik-iqtisodiy asosni
ishlab chiqmasdan, shuningdek, tegishli texnologiyaning tender
savdolarini o'tkazmasdan, GM global xarid tizimi orqali xaridini amalga
oshirishga ruxsat berdi.