Австралияда "Тор" фильмининг янги қисми суратга олиш ишлари бошланди

05.07.2016

1271

Австралияда янги "Тор: Рагнарёк" фильмининг суратга олиш ишлари бошланди, деб хабар бермоқда Entertainment Weekly. Бу Marvel студиясининг суперқаҳрамонига бағишланган учинчи фильм бўлади. Фильмнинг аввалги қисмлари 2011 ва 2013 йилларда чиққан. Янги қисмда ҳам бош ролни аввалги қисмларда суратга тушган актёр Крис Хемсворт ижро этади.

Marvel ҳампрезиденти Луис Д'Эспозито янги фильм устида ишлаётган суратга олиш гуруҳига омад тилади. 

Янги фильмнинг режиссёри Тайка Вайтити суратга олишнинг бошланишига изоҳ бериб, твиттерда ҳазиломуз суратни чоп этди, унга кўра суратга олишнинг биринчи куни ҳеч ким ишга чиқмаган.

Фильмда шунингдек актёрлар Том Хиддлстон, Идрис Эльба, Кейт Бланшетт, Жефф Голдблюм, Марк Руффало, Карл Урбан, Энтони Хопкинс ҳам роллар ижро этишади. Фильм 2017 йил кузида экранларга чиқарилиши керак.

2015 йил охирида "Тор" суперқаҳрамонлари фильмининг сиквелида бош ёвуз аёл киши бўлиши маълум қилинганди.