АЖИН ТУШИШИГА САБАБ БЎЛУВЧИ 10 ТА ЗАРАРЛИ ОДАТ

Ҳар бир аёл юзига ажин тушмаслигини, бир умр ёш, гўзал бўлиб қолишни орзу қилади, деб хабар беради “Сosmo.ru” нашри. 

Аёллар идеал даражадаги юз терисига эга бўлиш учун пулни аямай сарфлашади, қимматбаҳо кремлар, турли пардоз воситаларини сотиб олишади. Аммо чиройли юз терисига эга бўлиш учун бундай қимматбаҳо пардоз ашёларининг ўзи етарли эмас, бунинг учун қуйидаги зарарли одатлардан воз кечишингизга тўғри келади.

SPF ҳимоя кремларидан фойдаланмаслик

Бу айниқса ёз ойларида долзарб муаммога айланади, сиз қуёш нурларини қанчалик ёқтирманг, уни терингиз хоҳламайди. Фаол қуёш нурлари терининг тез қаришига олиб келади. Шунга қарамай, аксарият аёллар SPF ҳимоя кремларидан фойдаланмайдилар. Бу крем нафақат чўмилиб, қуёшда тобланганда, балки кундалик ҳаётингизда ҳам зарурдир. Йил давомида бир хил кремдан фойдаланиш одатидан воз кечиб, SPF ҳимоя кремларидан фойдаланинг.

Сақич чайнаш

Реклама қилинаётган ёқимли ифор таратувчи сақичларни чайнаш, мулоқот жараёнида бир қанча қулайликларни юзага келтирса-да, тинимсиз сақич чайнайдиган бўлсангиз, бурун ва оғиз атрофига ажин тушиш хавфи кучаяди. Оғзингиздан ёқимли ҳид келишини истасангиз, сақич чайнаманг, балки ялпизли конфетларни шимиганингиз маъқул. 

Ҳаддан ортиқ тозаликка эътибор бериш

Агар юз терингиз ёғли бўлса, уни мунтазам тозалашнинг зарари йўқ. Аммо баъзи бир аёллар ўзи кутган натижага эришиш учун ҳаддан ортиқ скраб, пилинглардан фойдаланишади. Агар ҳафтасига 2 мартадан ортиқ скрабдан фойдалансангиз, юзингизни мунтазам равишда лосьон ва тоникда артадиган бўлсангиз, бу ишларни тўхтатганингиз маъқул. Косметик воситалар таъсирида юз терисининг табиий ҳолати бузилади. Оқибатда унинг иммунитети ва қаршилик кучи камаяди, тери қуруқшаб, эрта ажин тушишига сабаб бўлади.

Тонгда ажинга қарши воситалар ёрдамида юзни ювиш

Бу юқоридаги банднинг давомидир. Уйқу олдидан юзни пардоз воситаларидан тозалаш, ювиш табиий ҳолдир. Аммо тонг отгандан дарров яна шу иш билан шуғулланишнинг ҳожати йўқ, ахир кечаси билан юзингиз кир бўлиб қолмайди-ку?! Эрталаб юзни оддий хона ҳароратидаги сув билан чайсангиз бас.

Ёстиқ жилдларини тез-тез алмаштирмаслик

Чойшабларни ҳафтасига бир марта алмаштириш одатий ҳолдир. Аммо ёстиқ жилдлари тез-тез алмаштирмайдиган бўлсангиз, унда бактериялар тўпланиб қолади, сочингизга сепилган лак, соч турмаклаш учун ишлатиладиган бошқа воситалар унга ўрнашиб қолади. Бундай ёстиққа ухлаш учун бош қўйгандан кейин кимёвий унсурлар юз терингизга таъсир қилиб, қариш жараёнини тезлаштиради. Иложи борича, ёстиқ жилдларини ҳар 2-3 кунда алмаштиришга ҳаракат қилинг.

Тўйиб ухламаслик

Уйқуга тўймаслик хаёлингизга келмаган бир қанча муаммоларни юзага келтиради. Улардан бири эрта кексайишдир. Агар уйқуга тўймайдиган бўлсангиз, организм ўзини қайта тиклашга улгурмайди, бу ўз навбатида тери ҳужайраларига салбий таъсир кўрсатади. 50 ёшдан кейин ҳам гўзал бўлиб қолишни истасангиз, ярим тунгача бўладиган уйқусизликдан воз кечиб, тиниқиб дам олинг. Уйқудаги гўзалга айланинг!

Нотўғри ҳолатда ухлаш

Эрта қаришга сабаб бўладиган уйқусизлик  билан боғлиқ бўлган яна бир ҳолат мавжуддир. Бу нотўғри ҳолатда ухлашдир. Аксарият аёллар ухлаганда қорин билан ёноқларини ёстиққа босиб ётишни хуш кўришади (эрталаб эса юз терисида ёстиқ жилднинг изи қолади). Бундай ҳолатда ухлаш қон айланиши бузилишига, терининг босим остида қолишига сабаб бўлади. Шундан кейин ажин тушмайдими деб ўйлайсизми? Ухлаганда чалқанча ва ёнбош ётиш нафақат тери учун, балки юрак қон-томир тизими учун ҳам фойдалидир.

Ҳуснбузарларни қўлда сиқиш

Ёшлигингизда юзингизда пайдо бўлган ҳуснбузарни сиқаётганингизни кўрган онангизнинг берган танбеҳи ёдингиздадир? Бу ҳаракатингиз билан нафақат ярага инфекция туширасиз, балки юз терисига жиддий зарар етказишингиз мумкин. Сиқилган ҳуснбузар ўрнида эса чандиқ ёки майда ажин қолади.

Ҳавони намлантирувчи воситадан фойдаланмаслик

Агар уйингиз ҳаддан ташқари иссиқ ва ҳавоси қуруқ бўлса, бу юз терисига таъсир этмай қолмайди. Шунинг учун хонани намлантирувчи воситадан фойдаланинг.

Тамаки чекиш

Бу ерда изоҳнинг ҳожати йўқ деб ўйлаймиз. Тамаки чекиш ва ёшлик бир-бирига зид бўлган сўзлардир. Агар эътибор берган бўлсангиз, бу ҳақда сигарета қутиси устида ҳам ёзиб қўйилган.


Комментарии (0) | Добавить: 06.08.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

«Barselona» «Yuventus»ni mag'lub etdi, Neymar ikkita gol urdi
Chiroyli avtoraqamlarning taxminiy narxi ma`lum, lekin bu yakuniy baho emas
Интернет нега тез арзонлашмаяпти - “Ўзбектелеком” изоҳи
Putin qay tariqa prezident bo‘lganini so‘zlab berdi
Тиш пасталарини танлашда рекламаларга ишониш керакми?
Avtomobilda uzoq yo‘lga otlanganlar uchun qiziqarli o‘yinlar
Jastin Biber Xitoyda konsert berishiga taqiq qo‘yildi
Putin: Ukraina korrupsiya domiga g'arq bo'lmoqda
Ertalab uyqudan turish nega biroz mushkul?
Mirziyoyev Toshkent viloyatidagi ikki tuman hokimini va yana bir qancha amaldorlarni ishdan oldi
Prezident virtual qabulxonasiga yo'llangan murojaatlar soni 1 millionga yetdi
«O'zbekiston 24» telekanali 24 iyul kuni ish boshlaydi
Fidjet spinnerlar haqida barcha haqiqatlar
Maktabga ryukzakni qanday tanlash kerak? Ota-onalarga maslahatlar
Qanday oziq-ovqatlar uyquga salbiy ta’sir ko‘rsatadi?
Shavkat Mirziyoyev Toshkent viloyatidagi ot zavodiga bordi
O'zbekistonda shakar narxi oshdi
Moskvada o‘tkinchi ayol Putinni o‘pib oldi
Dilnoza Kubayeva: “O‘zbek kinosi juda qaltis vaziyatga tushib qolyapti”
G'ayriqonuniy hukm yoxud sud ustidan kimga shikoyat qilish kerak?
“Davlat xizmati to'g'risida”gi qonun loyihasi ishlab chiqildi, meritokratiya tushunchasi joriy etiladi
Biz nega kechikamiz va bu odatdan qanday qutulish mumkin?
Neymar «PSJ»ga o'tishga juda yaqin turibdi, uning otasiga 40 mln yevro taklif qilishdi
Xorazmda Komiljon Otaniyozov tavalludining 100 yilligi nishonlanmoqda
Styuardessalar yo‘lovchilarning eng asabga tegadigan qiliqlari haqida hikoya qilib berdi
O'zbekistonda qurol olib yurishga ruxsat berilishi mumkin
Iste’molchilar qachon elektr va gaz tarmoqlaridan uzib qo‘yiladi?
Aqlli odamlar hech qachon yo‘l qo‘ymaydigan 5 narsa
Ovqatga to‘ymayotganligingizning 4 belgisi
Vannaxonani tozalash borasida 8 ta foydali maslahat