Ажрашиш Тошкентдаги доимий прописка бекор қилинишига сабаб бўлади

“Тошкент шаҳри ва Тошкент вилоятида доимий прописка қилиниши лозим бўлган шахслар — Ўзбекистон Республикаси фуқаролари тоифаларининг рўйхати тўғрисида”ги қонунга ўзгартириш киритилди. Бу ҳақда norma.uz хабар қилади.

Унга кўра, Тошкент шаҳрида ёки вилоятида пропискадан ўтганининг биринчи йили давомида ажрашиш қайд этилса, эр ёки хотин доимий пропискадан маҳрум бўлади.

Ўзгартириш 25 апрель куни Ўзбекистон президенти томонидан имзоланган ва 26 апрель куни кучга кирган қонунда кўзда тутилган.

Маълумот учун, пойтахт ҳудудида пропискадан ўтиш тўғрисидаги қонун 2011 йилда қабул қилинган эди. Унда Тошкент шаҳри ва Тошкент вилоятига прописка қўйилиши мумкин бўлган фуқароларнинг 12 тоифаси келтириб ўтилган, шу тоифалардан бири Тошкент шаҳрида пропискага эга шахс билан никоҳдан ўтганлар ҳисобланади.


Комментарии (0) | Добавить: 27.04.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]