Бахтли бўлишнинг тўққиз тамойили

Кўпчилигимиз бахтга эришишни жуда қийин деб ҳисоблаймиз. Ҳар бир инсон бахтли бўлишни истайди. Негадир кўпчилик бахтли бўлишни истаган ҳолатда, қийин йўлни танлайди. Аслида бахтли бўлишнинг қонунияти жуда оддий ва осон. Агар унга ҳамма бирдай амал қилганида эди, дунёда ўзини бахтсиз ҳис қиладиган инсонлар бўлмасди.  Психологлар, файласуфлар томонидан бахтли ҳаёт учун асқотадиган маслаҳатлар жуда ҳам кўп. Уларга кимдир амал қилади, кимдир эса йўқ. Бугун биз сизга бахтли бўлиш учун асқотадиган ва илм-фан томонидан исботланган ўнта қоидани тавсия қиламиз.

Тушкунликни жисмоний машқлар ёрдамида енгиш

Жисмоний машқлар, ҳаракат фаоллиги кундалик ҳаётимиз учун муҳим аҳамиятга эга эканлиги илм-фан томонидан исботланган. Тадқиқотчилар ҳам “Мукаммал бахтиёрлик” китобида жисмоний машқларни канда қилмаган инсон ўзини бахтли ҳис қилиши, соғлом ва тетик бўлишини таъкидлайдилар. Уларнинг навбатдаги тадқиқотларида руҳий тушкунликдан азият чекаётган инсонлар уч гуруҳга бўлинади. Биринчи гуруҳдаги беморлар фақатгина дори-дармонлар, иккинчи гуруҳдагилар жисмоний машқлар, учинчи гуруҳдагилар эса дори-дармонлар билан бирга жисмоний машқлар билан ҳам даволанишди. Муолажалардан сўнг олти ой ўтгач, биринчи гуруҳда даволанган беморларнинг 38 фоизи, учинчи - дори-дармонлар ва жисмоний машқлар билан аралаш даволанганларнинг 31 фоизида руҳий зиқликнинг қайталаниши кузатилган. Иккинчи гуруҳ, яъни оддий жисмоний машқлар билан даволанган кишиларнинг бор-йўғи 9 фоизидагина тушкунлик қайталанган. Демак, жисмоний машқлар билан даволанган беморлар гуруҳида энг яхши натижа кузатилган.

Тадқиқотлар натижаси руҳий тушкунликдан халос бўлишнинг энг яхши йўли - жисмоний машқлар эканини исботлади. Қолаверса, ўз танасига ғамхўрлик қилган, жисмоний ҳолати, кўринишидан мамнун бўлган соғлом инсонлар ўзларини бахтли ҳис қилишлари исбот талаб қилинмайдиган ҳақиқатдир.

Жисмоний машқлар, ҳаракат фаоллигининг инсон организми ва руҳиятига наф келтиришига шубҳа йўқ. Хўш, шундай экан, сиз нимани кутяпсиз? Ҳозироқ жисмоний машқларни бошланг ва бу фаолликни ҳар куни давом эттиринг. Бора-бора бу ҳол одатингизга айланади.

Уйқу вақтига амал қилмаслик - жиддий хато

Биз ҳаётимизнинг учдан бир қисмини уйқуда ўтказиб юборамиз, деб ўйлаймиз ва камроқ ухлашга ҳаракат қиламиз. Олимлар бундай ўйлайдиган инсонлар адашишларини таъкидлайдилар. Тиниқиб ухлаш инсонга хуш кайфият бағишлаш билан бирга бахтиёрлик ҳиссини ҳам беради. Тушдан сўнг бирозгина мизғиб олиш кишига тетиклик бағишлайди. Уйқуга тўймай уйғонган кунларимизда руҳий муаммоларга дуч келишимиз, кайфиятсиз, тушкун юришимизни кўпчилигимиз ўз ҳаётимиз мисолида исботини кўрганмиз. Шундай қилиб, кун бўйи хушчақчақ, қувноқ, тетик юриш ва бахтиёр бўлиш учун уйқу вақтига амал қилишни унутманг. Меъёридан кам уйқу инсон жисми ва руҳи учун зиён бўлганидек, меъёрдан ортиғи ҳам зарар ҳисобланди.

Мобил телефон, планшет ва компьютерга камроқ қаранг.

Одамлар гаджет - мобил телефон, планшет, ноутбуклардан ҳаддан ортиқ фойдаланиш, интернетдаги ижтимоий тармоқларда кўп вақтини ўтказиш билан ўзларига бахтсизлик сотиб оладилар. Калифорния давлат университети профессори, фалсафа фанлари доктори, психология клиникаси психологи Рамани Дурвасула “Одамлар оддий жонли мулоқот қолиб, турли гаджетларга вақтларини сарфлаяптилар” дея таъкидлайди. Одамлар ижтимоий тармоқлардаги дунёларига боғланиб, ҳаётларида бўшлиқ пайдо қиляптилар.

Афсуски бу ҳолат борган сари авж олаяпти. Айниқса ёшлар виртуал оламдаги дўстларининг янгликликларини ўтказиб юбормаслик учун қайта-қайта гаджетларини қўлга олаверадилар. Бу нормал турмуш тарзини бузади. Агар ўзингизни бахти ҳис қилишни истасангиз, гаджетлар ва интернетда оқилона, унумли фойдаланишни йўлга қўйинг. Қимматли вақтингизни техника қурилмаларига ва беҳуда постларни ўқиш, ўзингиз танимайдиган, билмайдиган виртуал дўстларингизнинг суратларини томоша қилишга сарфламанг.

Тоза ҳавода сайр қилиш

Гарвард университетининг нотиғи, “Мукаммал бахтиёрлик” китобининг муаллифи Шон Ачор тоза ҳавода йигирма дақиқа сайр қилиш билан нафақат кайфиятни кўтариши, балки хотирани яхшилаши, ўтган фурсат мобайнида янги ғоялар, фикрлар туғилиши мумкинлигини таъкидлайди. Лондондаги иқтисодиёт ва сиёсат мактаби тадқиқотчилари томонидан ўтказилган тадқиқот натижаси ҳам ушбу фикрнинг тўғри эканини тасдиқлайди. Тоза ҳаво, қуёшли кун ва денгиз соҳили кўпчилик инсонларнинг орзусидаги жой. Шаҳар ҳаёти муҳитида ҳам қуёшли кунларда баҳаво гўшалар, хиёбонларда кўнглингизга яқин инсон билан ёки ёлғиз ўзингиз сайр қилишингиз мумкин.

Одамларга ёрдам беринг

Кимдир сизга ўзингизга пул сарфлагандан кўра, бошқа инсонга совға олганингиз ёки бирор кишининг (унинг бегона ё сизга яқин бўлиши муҳим эмас) эҳтиёжига зарур бўлган пулни берганингизда кўпроқ қувонишингиз мумкинлигини айтса, ҳайрон бўлманг. Бу ҳақиқат. Тиниб-тинчимас олимлар бу борада ҳам тадқиқот ўтказдилар. Иштирокчилар икки гуруҳга бўлинди. Иккала гуруҳга ҳам маълум миқдорда пул берилди. Биринчи гуруҳ вакиллари ўзига, иккинчи гуруҳ вакиллари эса бошқалар учун нимадир харид қилишлари керак эди. Тақдқиқотлар натижаси ўзи учун пул сарфлаганлардан кўра бошқаларга совғалар харид қилган инсонлар ўзларини кўпроқ бахтиёр ҳис қилишларини тасдиқлади. Миллионерлар ва миллиардерлар орасида эҳтиёжмандларга ёрдам кўрсатиш билан шуғулланадиганлари жуда кўпчиликни ташкил қилиши ҳам бежиз эмас. Инсон атрофидагиларга қанча кўп ёрдам қўлини чўзса, ўзини шунча бахтли ҳис қилади. Инсонларга ёрдам бериш фақат пул сарфлаш, моддий кўмакдан иборат бўлмайди. Кўнгилли равишда беморларга, ногиронлар, жисмоний имконияти чекланган кишиларга суҳбатдош бўлишингиз мумкин. Кексаларга китоб ўқиб беришингиз ёки моддий имконияти йўқ кишиларга ўзингиз биладиган бирор хорижий тилни ўргатишингиз ёки бирор фанни ўзлаштиришида ёрдам беришингиз мумкин. Шу каби одамларга фойдали ишларга ёрдам бериш ҳам сизга бахт ҳиссини улашади.

Яқинларингиз билан кўпроқ муносабатда бўлинг

Яқин инсонларингизга ғамхўрлик қилинг. Улар билан кўпроқ вақтингизни ўтказинг. Бу ҳам сизни хурсанд қилади, ҳам яқинларингизни бахтиёр этади. Оилангиз, дўстларингиз ёнингизда эканини ҳис қилганингиз сари ўзингизни бахтли ҳис этасиз.

Ҳаммасига, ҳамма нарсага шукур қилинг!

Ҳаётингиздаги барча инсонлар, рўй бераётган воқеалар, сизга берилган нарсалар учун шукур қилинг! Кўп тадқиқотлар шукур - инсонга ҳаётда энг кўп ижобий таъсир кўрсатувчи восита эканини тасдиқлайди. Шунинг учун ҳаётингиздаги майда-чуйда нарсалар учун ҳам миннатдор бўлинг ва дунёда сиздан кўра бахтсизлар борлигини унутманг.

Буюм эмас, хотира тўпланг!

Биз бахтни пулга сотиб олиб бўлмайди, деб гапирамиз-у амал қилишга келганда аксини қиламиз. Шуни унутмангки, ҳаётда эсда қоладиган саёҳатлар ва уларда тўпланган тажриба, ширин хотиралар умр бўйи инсонни бахтиёр қилишга қодир бўлади. Яқинда ўтказилган яна бир тадқиқот нарса-буюм, ҳатто инвестицияларга ажратиладиган пулдан ҳам кўра саёҳатларга сарфланадиган маблағлар инсонга бахтиёрлик нашидасини суришга ёрдам беришини исбот қилди. Сиз ҳам буни синаб кўришингиз мумкин.

Ўзингизни севинг!

Аслида юқоридаги тавсияларни бажаришингиз ва ўзингизни бахтли ҳис қилишингиз учун аввало ўзингизни севишингиз керак. Яратган сизни меҳр-муҳаббат билан яхши кўради, нега энди сиз ўзингизни севмаслигингиз керак? Ўзингизни яхши кўришингиз - Аллоҳни севишингиздир, чунки у бандасини севади ва унга ҳамиша меҳрибон бўлади. Атрофингиздагиларни севинг. Табиатни, одамларни, Аллоҳ сизу бизга берган неъматларни севинг. Афсуски, замонавий одамларнинг кўпчилиги муҳаббат кучини унутиб қўймоқдалар. Балки шунинг учун ҳам ўзини бахтсиз ҳис қиладиганлар кўпайгандир эҳтимол. Ўзини севган инсон руҳига, жисмига фойдали бўлган маҳсулотларни истеъмол қилади, саломатлигига эътиборли бўлади. Гўзал, хушқомат, соғлом танадаги руҳ эса шукроналикдан мамнун бўлади. Бу бахтиёрликнинг энг асосий шартларидан бири ҳисобланади.


Комментарии (1) | Добавить: 15.12.2015
1. Dur (15.12.2015 20:17)
Lekin xic kim amal qmidi bunga 100% dan 10 % insonlar amal qmasa
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Toshkent, Sirdaryo, Jizzaxda terimchilar bir kilogramm paxta uchun 800 so‘mdan, qolgan hududlarda 700 so‘mdan haq olishni boshladi
Kreml: Putin o'z nomzodini qo'yishi haqida hozircha indamadi
Ishda unumli tanaffuslar tashkil qilishning 5 usuli
Go'sht va baliq narxlari oshmasligi uchun qaror qabul qilindi
O'zbekiston razvedkasi Britaniyadagi musobaqada g'olib bo'ldi
Ko‘proq narsaga ulgurish va kamroq charchashning 5 yo‘li
UZ ma’muriyati Osiyo-Tinch okeani yuqori daraja domenlari assotsiatsiyasiga a’zo bo‘lib kirdi
Buxoroda “balo-qazolardan xalos etish” evaziga 5 ming dollar olgan folbin qo‘lga olindi
MRB Lulu laqabli itni portlovchi moddalarni qidirishni istamagani uchun ishdan bo‘shatib yubordi
Koreyalik mutaxassislar Toshkent aeroportini yaxshilashga yordam beradi
Dunyoda har kuni 5 yoshgacha bo'lgan 15 ming bola hayotdan ko'z yumadi
20 oktabr kuni O'zbekistonda kutilayotgan ob-havo ma`lumoti
Sochi yaqinida o'zbekistonlik xavfli jinoyatchi ushlandi
Odil Ahmedov Osiyo chempionlari ligasi finalida o'ynamaydi
Muhammad payg‘ambar (s.a.v.) sevgan 10 ta oziq-ovqat
Shohruhxon va Asal Shodiyevadan yangi fotosessiya
Apple’ning yangi egiluvchan smartfoni haqida batafsil ma’lumotlar paydo bo‘ldi
Moskva sudi Telegram’ni FXX talabini bajarmagani uchun 14 ming dollar jarimaga tortdi
Ramzan Qodirov shayx Muhammad Sodiq Muhammad Yusuf hazratlari​ning qabrini ziyorat qildi
Qirg'izistonning yangi prezidenti Sooronboy Jeenbekov, uning oilasi va qarindoshlari haqida nimalar ma`lum?
Qanday qilib uyqudan yaxshi kayfiyat bilan uyg‘onish mumkin?
Qualcomm Xitoyda iPhone ishlab chiqarishni taqiqlashni talab qildi
Alisher Usmonov o'z samolyotini O'zbekiston prezidentiga ijaraga bergan
Mirziyoyev elektr energiyasi va tabiiy gaz bo'yicha yig'ilish o'tkazdi
BMT: dunyoda 815 mln odam och qolmoqda
Shakardan voz kechishning 3 usuli
Jahon chempionati uchrashuvini ilk marta ayol hakam boshqaradi
Neymar eng yaxshi futbolchi sifatida Messini ortda qoldirdi
Telegram’ning rus tilidagi yangi versiyasi ishga tushdi
Sirdaryoda 2 nafar fuqaroning noqonuniy baliq ovlashi salkam 25 mln so‘mga tushdi