Barak Obamaning suratkashi 2015 yilning eng yaxshi kadrlarini namoyish etdi

25.12.2015

1503

AQSh prezidenti Barak Obamaning shaxsiy suratkashi Pit Souz davlat rahbarining 2015 yildagi eng yaxshi kadrlarini Instagram’da e'lon qildi.

“Yil fotosuratlarini ajratib olar ekanman, men faqat iPhone’ga olingan kvadrat formatdagi suratlardan foydalanishga qaror qildim”, - deydi Souz.

Souz Oq uyning rasmiy suratkashi bo'lishiga qaramay, uning ijod namunalari norasmiy va hatto badiiy xususiyatlarga ega. Uning mashhur suratlaridan Bu laqabli itning Oval kabinetda tushgan kadrini, Obamaning o'rdaklarga razm solayotgani qayd qilingan kadrni aytish mumkin.