Испания чемпионати 14-туридан ўрин олган “Барселона” ва “Реал” ўртасидаги ўйин ўз якунига етди. Унда 1:1 ҳисобидаги дуранг қайд этилди.
Учрашувнинг биринчи бўлими деярли тенгкурашлар остида ўтди. “Реал”, хусусан Роналду бир неча вазиятларга эга бўлганди, аммо гол ура олмади. Месси эса жарима зарбасидан унумли фойдалана олмади.
Иккинчи бўлимда ҳам “Реал” ўйинни фаол бошлади. Бир неча вазиятларда тер Штеген яхши ҳаракат қилди.
Аммо ўйиндаги илк голни Луис Суарес киритди. 53-дақиқада Неймарнинг жарима зарбасидан узатган тўпини Луис Суарес боши билан Кейлор Навас дарвозасига аниқ йўллади – 1:0.
“Реал” вазиятни ўнглаш учун бир қанча ҳаракат қилди. Ўйин якунида Серхио Рамос жарима зарбасидан узатилган тўпга боши билан аниқ зарба бериб, ҳисобни тенглаштирди.
Жорий мавсумда "Реал"ни Ла Лигада ҳали ҳеч қайси жамоа мағлубиятга учрата олмади.
Испания чемпионати, 14-тур
Барселона – Реал Мадрид 1:1
Голлар: 1:0 – 53 Суарес, 1:1 – 90 Рамос.
Барселона – тер Стеген, Суарес, Пике, Альба, Бускетс, Маскерано, Ракитич (Иньеста, 60), Серджи Роберто, Андре Гомеш (Туран, 78), Неймар (Суарес, 87), Месси.
Реал Мадрид – Навас, Варан, Марсело, Карвахаль, Рамос, Ковачич (Диас, 86), Модрич, Иско (Каземиро, 66), Васкес, Роналду, Бензема (Асенсио, 77).
Огоҳлантиришлар: Иско (13), Неймар (28), Суарес (75), Карвахаль (80), Бускетс (83), Маскерано (89).