Бастиан Швайнштайгер «Манчестер Юнайтед» футболчисига айланиши мумкин

"Бавария” клуби ярим ҳимоячиси Бастиан Швайнштайгер Англиянинг "Манчестер Юнайтед” клубига ўтиши мумкин. Маълумотларга кўра, ҳар икки клуб футболчининг трансфери борасида келишувга эришган. Швайнштайгернинг трансфер нархи 20 миллион еврони ташкил этиши кутилмоқда. Германия терма жамоаси аъзосининг ўзига йилига 10 миллион евро маош таклиф қилинган. Швайнштайгер "Бавария” клуби тарбияланувчиси ҳисобланади. У мюнхенликлар таркибида 500та ўйинда майдонга тушиб, 67та гол киритган.