"Dmitriy ham telekommunikatsiya, ham o‘zga sohalardagi tezkor rivojlanib borayotgan bozorlarda katta tajribaga ega. U biznesning raqamli transformatsiyalariga yangi sur’at bera olishiga, shuningdek, yangi mahsulotlar va servisga ahamiyat bergan holda O‘zbekistonda ishga tushirilgan loyihalarni muvaffaqiyatli rivojlantira olishiga ishonaman”, — deydi "VimpelKom Ltd” kompaniyalar guruhi "Yevrosiyo” hududi bosh direktori Mixail Gerchuk.
"‘Bilayn-O‘zbekiston’ xizmatlarini texnologik rivojlantirish, shuningdek, ma’lumotlar uzatish borasida, mobil moliya xizmatlari va mijozlarga xizmat ko‘rsatishni takomillashtirish — bularning barchasini birinchi navbatdagi masalalar deb hisoblayman. Xizmatlar sifati va innovatsiyalar — brendning muvaffaqiyatli kelajagi garovidir va ishonamanki, "VimpelKom Ltd”ning yangi strategiyasi muvaffaqiyatli amalga oshirilishi O‘zbekiston bozorida ajoyib natijalarni ko‘rsatadi”, — deydi Dmitriy Shukov.
Dmitriy Shukov 1997-yilda "Boshqaruv” mutaxassisligi bo‘yicha Sankt-Peterburg harbiy aloqa akademiyasini a’lo natijalar bilan tamomlagan, shuningdek, Stokgolm iqtisod maktabida malaka oshirgan. U 1990-yilda telekommunikatsiya sohasidagi faoliyatini boshlab, 2002-yilning iyulida DIXIS raqamli elektronika va uyali aloqa salonlari Rossiya tarmog‘ining biznesni rivojlantirish bo‘yicha direktor lavozimini egallagan.
Shukov 2004-yilning avgust oyida TELE2 Russia mobil operatorining distributsiya va savdolar bo‘yicha direktori lavozimini egalladi. 2006-yilning oktabr oyidan 2015-yil sentabr oyiga qadar MTS va AMK "Sistema” guruhi tarkibida faoliyat yuritgan: avval Korporativ markazning marketing bo‘limida, keyinchalik esa Turkmaniston, O‘zbekiston va Hindistondagi bo‘linmalariga boshchilik qilgan.