БИР ТЎЙКИ, МЕҲР-МУҲАББАТ ТАНТАНА ҚИЛДИ!


Бир тўйки, меҳр-муҳаббат тантана қилди...

Мақолани нега бундай номладик? Жавобини албатта топасиз.

Шукрки, она юртимиз осмони мусаффо, кунларимиз тинч ва баракали. Бунинг биргина исботи, ўзбекнинг ҳар кунида тўй садолари янграйди. Халққа ош тарқатилади, тўкин дастурхон ёзилади.

Куни кеча шундай бахтли тўйлардан бири элимизни хурсанд қилди. Бу тўй машҳур хонанда оиласи билан боғлиқ бўлгани учун эмас, опа-сингилнинг ўзаро улкан меҳри омма олдида намоён бўлгани ҳар қандай қалбда ҳурмат ҳиссини уйғотди.

Машҳур актриса, марҳума Тамара Шокированинг кенжаси – Насиба келин бўлди.

...Она бундай бахтли кунда жисман йўқ. Бироқ, қизларига меҳр-оқибатда берган тарбияси унинг ҳақига янада кўпроқ дуолар ёғдирди! Кенжа қиз бир оила бағрига қадами қутлуғ келин сифатида кириб бормоқда. Тўнғич қиз эса синглисига тиргак. Одамлар кўз олдида опа-сингилнинг ўзаро улкан меҳр-муҳаббатининг тантанаси зоҳир бўлди! Райҳоннинг ҳам ота, ҳам она, ҳам опа сифатида Насибанинг ёнида, ёнгинасида қалқон тургани, кўпчиликка ибрат бўлди!  Марҳума ота-онанинг бир пайтлар қилган орзулари амалга ошди. Бу орзулардан армон занжирлари ечилди! Энди улар армон эмас! Тамара Шокирова ёлғиз аёл боши билан катта қилган икки қизнинг ҳам бугун ҳаётда ўз ўрни бор, ўз бахти бор. Унинг руҳи шундай бахтли дамлардан бахтиёр бўлаётган бўлса, не ажаб?!

Ҳа, бир тўйки, унда меҳр-муҳаббат тантана қилди. Юртимиз тинчлиги абадий бўлиб, халқимизнинг ҳар куни тўй бўлсин! Оилалар, қариндош-уруғлар, жамики инсонлар ўртасидаги ришталар мана шундай меҳр-муҳаббатдан мустаҳкамланиб бораверсин!  

Мақола нега юқоридагидай номланганига жавоб топдингиз дея умид қиламиз.

Жаҳонгир Позилжоновнинг мусиқий чиқиши жуда шов-шувли бўлди. Унинг "Жамшид” номли хити айнан шу тўйда эгасини топгандай! Давранинг тўрида савлат тўкиб турган куёвтўранинг исми қўшиқда жаранг сочгани даврадаги рақсга файз киритди. Позилжонов келинчакни ҳам унутмади. "Насиба” деган қўшиқ янграганда, файз устига файз қўшилди. Хонанда ё махсус "сюрприз” қилди ё олдинроқ куйлаб қўйган бу қўшиғи ҳам айнан эгасини топди! Нима бўлганда, ҳам Жаҳонгир қойил қолдирди!

***

Тўйда келин-куёвни қутлаб, куйлаганлар рўйхати: Жаҳонгир Позилжонов, Саида, "Беном”, Мавлуда Асалхўжаева, Сардор Раҳимхон, Шоҳруҳхон, Муниса Ризаева, Улуғбек Раҳматуллаев, "Садо”, Зиёда.

***

Хонанда Акбар Райҳоннинг яқин дўстларидан бири. У билан "гап” ҳам ўйнайди. Хонанда тўйнинг бошидан охиригача тик туриб, хизматда бўлди. Акбар бошчилигидаги "Садо” ансамбли садоси "Якка сарой”ни "титратиб” турди! Акбар бошловчилик ҳам қилди. Унинг ёнида эса энг севимли бошловчи Нилуфар Сотиболдиева кўмакдош бўлди.

***

Нилуфар Сотиболдиева тўйга онаси ва эрка қизалоғи Амани билан ташриф буюрди. Келин либосидаги жажжи қизалоқ деярли барча меҳмонларнинг диққатини онасидан кўра кўпроқ жалб этди. Катта микрофонни митти қўлчалари билан ушлаб олган Амани нималарнидир куйлагандек ё онаси каби ёқимли гапиришга тақлид қилиб, у ёқдан бу ёққа чопди. Микрофонни унинг қўлидан олиб қўйишлари билан кўзёш тўкди. Микрофонга шу қадар меҳр қўйган бу қизалоқ улғайиб, хонанда эмас-у, ҳойнаҳой, волидаси каби севимли бошловчи бўлса керак-ов!  Қизалоқни бувиси минг чандон юпатмасин, у микрофонни ўз эгаларига беришни истамади. Шу  боисдан, Нилуфар Акбар билан битта микрофонда ишлашига тўғри келди! Эҳ, Амани, Амани!

***

Райҳон тўрда ибо ила нур сочиб турган жигари – келинчак учун махсус ёзган қўшиғини ижро этди. "Келинчак” эксклюзив тарзда Насибага аталди! Қўшиқ сўзлари шу қадар териб олинганки, ҳар қандай қалбни тўлқинлантиради. Чунки, шу биргина қўшиқда бир олам меҳр жамланганди! Келин-куёв эса "Келинчак”ка мос тарзда дунёнинг энг романтик тўй рақсини тақдим этишди. Меҳмонлар бахтли ёшларнинг муҳаббатдан яралган қалб кечинмаларига  шу гўзал рақс орқали гувоҳ бўлишди.

 

Тўй ва шоуларни ташкил этишда шов-шувли ғоялари билан танилган талант - Ҳасан Раҳимов яратган муҳташам декорация меҳмонларда жуда катта таассурот қолдирди. Рестораннинг тўридаги гулларга бурканган "бахт қасри" узоқ йиллар эсланишига шубҳа йўқ!

Ушбу тўй дастурининг ташкилий масалаларида ва кўнгилдагидек ўтишида "ProArt" маркази раҳбари Жавлон Камаловнинг хизмати алоҳида таҳсинга лойиқ.  

Jasur Hamrayev


Комментарии (6) | Добавить: 17.08.2015
6. batow-5650 (19.08.2015 21:05)
Silaga fikrlarizga qushilaman qushilaman
5. jamshid490 (19.08.2015 12:42)
kim bu bizga nima qizig'i bor boshqa gap qurib ketganmi
4. bekmami (19.08.2015 08:56)
Kim bu uzi
3. sHoH_uZ (19.08.2015 01:49)
bir birini tuwunib, baxtli buliwsin!!!
2. _Yagona_ (18.08.2015 08:42)
Baxtli b6liwsin!
1. Farrux1992 (17.08.2015 21:20)
Omad baxtli bulsin

LF
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Babayan Tailand va Eronga qarshi o'yinlarga jalb etilgan futbolchilarni e`lon qildi. Yangi nomlar bor
Davlat test markazi rahbari o'zgardi
«Barselona» yangi formasini namoyish etdi
Toshkentda “Captiva” va “Prado” avtomobillaridan 7 mln so'mdan ortiq mol-mulkni o'g'irlagan shaxs ushlandi
Noutbuk xarid qilayotganda 10 ta ommaviy xato
Aholi soni bo'yicha Xitoy ortda qoldirildi
Nokia 9 rekord darajadagi operativ xotiraga ega bo‘ladi
Samsung suv tushishidan himoyalangan Galaxy Feel smartfonini namoyish qildi
1 iyundan boshlab "GM Uzbekistan" barcha avtomobillari so'mda sotilishi yo'lga qo'yiladi
Toshkentda oq qulupnay sotilmoqda
Yaxshi tayyorgarlik ko'ra olmagan Jahongir Otajonovning konsertni qanday o'tdi
Chiroyli sochlarning 5 dushmani
Tirsak va tizza terisiga yoshlikni qaytarish usullari
Forbes eng serdaromad futbolchilar kimligini ma`lum qildi
Chempionlar ligasi finali ilk bor tomi yopiq stadionda o'tkaziladi
Balotelli: "Oltin to'p"ni yutishim uchun Messi va Ronalduni o'ldirishim kerak
Shoygu o'zbekistonlik hamkasbiga G'alaba Bayrog'i nusxasini topshirdi
Organizmni tozalashga yordam beruvchi mahsulotlar nomi ma`lum qilindi
Ofis xodimlari uchun oddiy mashqlar to‘plami
Ertalabki shoshma-shosharlikni yengishning 9 ta yo‘li
Ramazon oyida to'g'ri taomlanish uchun foydali maslahatlar
TOP-7: Eng qimmatbaho mobil telefonlar
Samsung allaqachon «Star» nomli Galaxy S9 ustida ish boshlagan
Joriy yil uchun zakot, fitr sadaqa va fidya miqdori belgilandi
Tvorog insult va infarktning oldini olishda foydali
Internet orqali mahsulot xarid qilishda ehtiyot bo'ling
Markaziy bank boshqaruvi kimga o'tdi?
Usmonov Navalniyga qarshi: Shovqin kuchaymoqda
Ronalduga ancha ko'proq muddatga qamoq jazosi tahdid solmoqda
Sizga yoqmagan odamlar bilan qanday ishlash kerak?