У нас есть только
оригинальные песни

Bitta Galaxy S8’dan Samsung qancha foyda olishi hisoblandi

calendar 21.04.2017
3145

Тиниб-тинчимаган экспертлар Samsung Electronics компанияси сотилган Galaxy S8’нинг ҳар бир донасидан 100 минг вон, яъни 88,2 АҚШ долларидан фойда кўришини ҳисоблаб чиқдилар. Айни пайтда жанубий кореялик IT-гигантнинг бу флагмани 935 минг вон, яъни 823 доллардан сотилмоқда. Телефон аппарати Жанубий Корея ва АҚШ эркин смартфон бозорига бугун — 21 апрелдан чиқарилди.

IHS маркетинг ва тадқиқотлар марказининг ҳисоб-китобларига кўра, 64 гигабайтли доимий хотирага эга Galaxy S8 талқинининг таннархининг ўзи 307,5 АҚШ долларини ташкил қилади. Galaxy S8’нинг таннархини ҳисоблашда IHS Markit ҳамда Samsung томонидан тақдим қилинган маълумотлар асос қилиб олинган.

Samsung нафақат смартфоннинг бутловчи қисмларига, шунингдек маркетинг ва смартфонни оммалаштиришга хизмат қиладиган бошқа ташкилий ишларга ҳам жуда катта миқдорда маблағ сарфлаши маълум. Бу жиҳат ҳам смартфон таннархининг ошишига сабаб бўлади.

Маълумотларга кўра, Samsung компанияси Galaxy S8’дан 50 млн дона сотиши мумкин ва бундан компания 3,5 дан 5 трлн вон, яъни 3,08-4,4 млрд АҚШ долларигача фойда олади.

Аввалроқ Samsung Galaxy S8 смартфони биргина Жанубий Кореянинг ўзида 1 миллион дона аввалдан буюртма қилинган ва бу мамлакат учун ҳам, компания смартфонлари орасида ҳам рекорд кўрсаткич.

Яндекс.Метрика