Британия парламенти аъзосини жонига ваҳшийларча қасд қилинди

16.06.2016

1182

Буюк Британиянинг Лейбористлар партияси аъзоси Жо Кокс унга қуролли ҳужум қилишгани оқибатида ҳалок бўлди. Бу ҳақда Уэст-Йоркшир графлиги полиция бўлими хабар берган.

“У олинган турли жароҳатлар натижасида ҳаётдан кўз юмган”, - деб маълум қилган графлик бош констебли Ди Коллинс.

Гувоҳларнинг айтишича, қотил кўчада Коксни тўхтатган, унга бир неча маротаба пичоқ санчган ва сўнгра тўппончадан кўп бора ўқ узган. Маълум қилинишича, айни пайтда полиция ходимлари воқеа жойида қўлга олинган 52 ёшли қотилни сўроқ қилмоқда.

Жо Кокс ким бўлган эди?

Депутат Сурияда бўлаётган фуқаролар уруши жабрдийдаларини ҳимоялашда фаол бўлган. Ўтган йилнинг кузида у Буюк Британиянинг Суриядаги ИШИД террорчилик ташкилотига қарши курашувчи Ғарб коалициясига қўшилишига қаршилик қилган.