Буюк Британия қачон Европа Иттифоқини тарк этади?

Буюк Британиянинг Европа Иттифоқи сафларидан чиқиш жараёнлари Европа парламентига бўлиб ўтадиган сайловларга қадар якунланиши керак. Маълумки, сайловлар 2019 йилда ўтказилади. Бу ҳақда “Ретерс” агентлигига интервью берган Германия ташқи ишлар вазирлигининг Европа ишлари бўйича давлат вазири Михаэл Рот маълум қилди. Унинг сўзларига қараганда, Лиссабон Шартномасининг 50-моддасига биноан Буюк Британиянинг Европа Иттифоқидан чиқиши масаласидаги механизм ишга тушганидан сўнг, Лондон ва Брюссель ўртасида жиддий музокоралар бошланиши лозим.

Буюк Британияда мамлакатнинг Европа Иттифоқидан чиқишини қўллаб-қувватловчилар ғалаба қозонди. Бу дегани Европарламентда британиялик депутатлар бўлмаслигини англатади. Михаэл Ротнинг таъкидлашича, Буюк Британия ва Европа Иттифоқи ўртасидаги муносабатлар мустаҳкам бўлиши имкониятлари мавжуд. Лондонга Европа Иттифоқи таркибида алоҳида мақом берилиши мумкин. Михаэл Ротнинг айтишича, музокаралар тезлик билан бошланиши керак. «Янги вазиятга кўникиш учун йил охирига қадар фурсат етарли», деди сиёсатчи. Шу билан бирга Буюк Британиянинг Европа Иттифоқи билан муносабатлар тизими Швейцария ва Норвегиядан бутунлай фарқ қилишини эслатиб ўтди. Маълумки, бу икки мамлакат Европа Иттифоқи аъзоси эмас. «Европа Иттифоқининг узоқ муддат аъзоси бўлиб келган Буюк Британиянинг буюклиги ва аҳамияти ҳисобга олинган холда, Лондонда алоҳида мақом олиш имконияти бор» деди Рот.

Шу йилнинг 23 июнида бўлиб ўтган референдумда сайловчиларнинг 51,9 фоизи Буюк Британиянинг Европа Иттифоқи сафларидан чиқишини қўллаб-қувватлаган бўлса, 48,1 фоизи бу фикрга қарши чиққан эди. Мамлакат янги бош вазири Тереза Мей халқнинг хоҳиш-иродасини бажаришга тайёрлигини билдирди. Бироқ у Лиссабон Шартномасининг 50-моддаси бу йил ишга тушмаслигини эслатиб ҳам қўйди. Бу модда Европа Иттифоқи таркибидан чиқиш борасида Лондон томонидан ариза берилишини англатади. Буюк Британия ҳукумати келаси йил бошларида Европа Иттифоқи таркибидан чиқиш борасида фаол ҳаракат қилишини айтиб келади.

Таҳлилчиларнинг фикрича, Буюк Британиянинг Европа Иттифоқи сафларидан чиқиши 2019 йил бошларида амалга ошиши керак эди. Бироқ бу жараён 2019 йил сўнггига бориб якунланиши айтилмоқда. Чунки шу муддатга қадар Европа Иттифоқидан чиқиш билан шуғулланиб келувчи муассаса зарур ҳужжатларни тайёрлашга улгурмас экан. Бу хақда The Sunday Times газетаси маълум қилди.

Тереза Мей Буюк Британиянинг Европа Иттифоқи сафларидан чиқишига қарши эди. Энди эса мамлакатнинг Европа Иттифоқи таркибидан чиқиши борасида музокаралар ўтказишга мажбур.

Эслатиб ўтамиз, Тереза Мей қарорига биноан Буюк Британиянинг Европа Иттифоқи сафларидан чиқиши билан шуғулланувчи махсус муассаса ташкил этилган. Бу идорага Девид Девис бошчилик қилади. Бироқ муассаса барча имкониятлардан фойдаланмаётгани айтилади. Бунга етарлича инфратузилмаларнинг йўқлиги сабаб бўлмоқда.

Буюк Британия Европа Иттифоқи сафларидан чиққунга қадар ҳамжамият олдидаги барча мажбуриятларини бажаришда, жумладан, аъзолик бадалларини тўлашда давом этаверади. Бу ҳақда Молия вавзири Филип Хаммонд баёнот берди.

Social Market Foundation тадқиқот маркази таҳлиларига қараганда, Буюк Британиянинг Европа Иттифоқи сафларини тарк этганидан кейин ҳамжамиятга аъзо мамлакатларнинг 600 мингга яқин фуқороси Буюк Британия ҳудудларида бошпана олиш имкониятларидан маҳрум бўлар экан. Буюк Британия қонунларига кўра, Европа Иттифоқига аъзо мамлакатларнинг фуқаролари Британияда беш йил мобайнида яшаганларидан сўнг, бошпана олиш ҳуқуқига эга бўлади. Айни дамда уларнинг сони 3 миллион 600 минг кишидан иборат. 2019 йилдан сўнг уларнинг 80 фоизи қатор муаммолар билан тўқнаш келишлари мумкин.

Италиянинг Европа Иттифоқи ишлари бўйича давлат котиби Сандро Гози Financial Times нашрига берган интервьюсида “Буюк Британиянинг Европа Итттифоқи сафларидан чиқишининг чўзилиб кетиши ҳамжамиятнинг ноаниқлигини кучайтиради ва бошқа аъзоларнинг интеграциялашув жараёнларига салбий таъсир кўрсатади”,  деди. У Европа Иттифоқи Буюк Британия ҳукуматининг қачон қарор қабул қилишини узоқ кутиб тура олмаслигини эслатиб ўтди. Иқтисод ва молия бўйича еврокомиссар Пер Московиси ҳам Британия ҳукумати Brexit билан боғлиқ масалаларни тезлик билан ҳал қилиши лозимлигини таъкидлади. Бу ҳам Брюссель, ҳам Лондон манфатларига хизмат қилишини қайд қилди.

«Инглизча хайрлашиш» деган ибора бор. Бунда зиёфатдан хайрлашмай кетган меҳмонлар назарда тутилади. Бироқ Буюк Британия инглизча хайрлашишни истамаётгандек. Таҳлилчиларнинг фикрича, бугунги кунда Буюк Британия хайрлашган, аммо қолишни истаётган кишига ўхшайди.


Комментарии (0) | Добавить: 22.08.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Davlat idoralari rahbarlariga muntazam ravishda jurnalistlar bilan uchrashish majburiyati yuklandi
Xitoyda 1,6 trln dollarlik loyihalarga start beriladi
2017 yilda Ukrainadan O'zbekistonga qancha pul yuborilgani aytildi
Umid Ahmadjonov yana bir tashkilot prezidenti etib saylandi
O'zbekistonda Facebook ishlamay qoldi
Kechiktirib bo'lmaydigan tibbiy yordam ko'rsatishni rad etganlik uchun qanday jarima belgilanadi?
Umid Ahmadjonov O‘zbekiston milliy termasining bo‘lajak bosh murabbiyi bilan uchrashish uchun Dubayga uchib ketdi
Ravon brendi 2017-yil bo‘yicha Sibirda eng ko‘p ro‘yxatdan o‘tkazilgan avtomobilga aylandi
“Suzuk ota” majmuasi 2018-yilgi mustaqillik bayrami arafasida foydalanishga topshiriladi
Jahon iqtisodiyoti xakerlar sababli 600 mlrd dollarlik ziyon ko'rdi
Bojxona qo'mitasining yangi raisiga yangi o'rinbosar tayinlandi
Markaziy Osiyodagi eng korrupsiyalashgan davlat ma`lum qilindi
Qashqadaryoda yuziga niqob kiygan shaxslar omborxonaga hujum qildi
Qozog'iston lotin alifbosiga o'tdi
Saudiya Arabistonida bouling va bilyard-klublar ochishga ruxsat berildi
Qo'shni respublikalar bilan tinchlik-totuvlikda yashash kerak – Sooronbay Jeenbekov
Xitoyda grippga qarshi yangi vaksina yaratildi
Kartoshka bojxona to'lovlaridan ozod etildi
La Liga. "Real" safarda qiyin g'alabaga erishdi
Dunyodagi eng ulkan oltin koni
Chilim va elektron sigaretlarni qonun yo'li bilan taqiqlash vaqti yetmadimikan?
«Kerak bo'lsa stolbani ham olib borib qamardi». Prezident yana MXXning kirdikorlari haqida gapirdi
Messi yana bir ko'rsatkich bo'yicha «Real» futbolchisi rekordini yangiladi
Tramp «ruslar bilan band bo'lgan» FQBni jiddiy aybladi
Kim Chen Inning rafiqasi haqidagi ma’lumotlar
Япониялик аёл фарзандини видео ўйинлардан ҳимоя қилиш йўлини ўйлаб топди
“Ичкарида”ги Селал — Четин Текиндор
Umid Ahmadjonov: “Futbolchi o'z ustida ishlashi shart, aks holda unga litsenziya berilmaydi”
Moskvada 2021-yilgacha 50 ta yangi metro bekati ochiladi
“O‘zbekneftegaz” va Jizzakh Petroleum Ai-95 narxini o‘zgartirdi