Буюк жангчи Брюс Ли фалсафаси

07.12.2014

3804

Уни яхши кўришган, унга тақлид қилишган. У жаҳон жанг санъати афсонасига, кино соҳасида яққол қаҳрамонга айланди. Унинг фалсафаси эса ҳозирги кунда ҳам миллионлаб одамларни илҳомлантирмоқда ва ўзини танишга, ўз-ўзини ривожлантиришга хизмат қилмоқда.

adme.ru Брюс Лининг доно фикрларини ёдга олади. Инсон нафақат танаси билан, балки руҳан ҳам кучли бўлиши керак.

Қанчалик секин ҳаракат қилаётганинг эмас, тўхтамаганлигинг муҳим.

Агар мағлубиятни тан олмас экансиз, у мағлубият эмас.

Ҳақиқий дўст олмос каби камёб ва қимматдир. Сохта дўстлар эса худди кузги япроқлар каби ҳар томонингизда.

Агар сизни танқид қилишаётган бўлса, демак тўғри қиляпсиз. Чунки одамлар ақллиларга ҳужум қилишади.

Ўйлама - ҳис қил! Бу худди ойни бармоқ билан кўрсатишдек гап. Бармоққа диққат билан қарамасанг, гўзалликдан қуруқ қоласан.

Нима ҳақида ўйласанг, шундай бўласан.

Шарқликлар "Мослашувчан бўл. Ҳаёт инсонни эгилувчан ва юмшоқ қилса, ўлим қаттиқлаштиради” дейишади. Бу тана, ақл ва руҳга тегишли.

Мен муҳокама қилиш учун эмас, тушуниш учун ўрганаман. Мен кўр-кўрона оломонга эргаша олмайман ва уларнинг қилиқларини қабул қилмайман.

Агар бирор нима ҳақида иложи йўқ деб ўйласанг, ўзинг буни имконсиз қиласан.

Яхши жангчи кучли эмас, балки тайёридир. У ўйламайди ва орзу қилмайди. У содир бўладиган ҳамма нарсага тайёр.

Жангда доим кутилмаганда ғалаба қозонилади. Ёдлаб олиш эса мағлубиятга учрайди.

Бўш бошда узун тил бўлади.

Мақсадга етиш шарт эмас. Бу йўлда давом этиш керак холос.

Хатоларни доим кечириш мумкин, албатта, бунга жасорат топа олсанг.

Кўнгилчан бўл, аммо бўйсунма, қатъий бўл, лекин шафқатсиз эмас.

Оддийлик санъатнинг олий даражасидир.

Ақлли аҳмоқ ақлли маслаҳатдан олганига қараганда аҳмоқона саволлардан кўпроқ нарса олишга қодир.

Нима бераётганинг эмас, қандай бераётганинг муҳим.

Мен 10000 зарбани биладигандан қўрқмайман. Мен бир зарбани 10000 марта ўргангандан қўрқаман.