Buker adabiy mukofotini yamaykalik Marlon Jeyms qo‘lga kiritdi
14.10.2015 1083
Yamaykalik yozuvchi Marlon Jeyms "Yetti qotilikning qisqacha tarixi”
romani uchun bu yilgi The Man Booker Prize adabiy mukofoti laureati
bo‘ldi. G‘olibning nomi 13-oktabr, seshanba kuni bo‘lib o‘tgan tantanali
marosimda e’lon qilindi.
Mazkur asarda mashhur san’atkor Bob Marli
hayotiga uyushtirilgan suiqasdlar haqida hikoya qilinadi. 44 yoshli
adib (ayni paytda Minneapolisda istiqomat qiladi) bu mukofotga loyiq
ko‘rilgan Yamaykaning ilk vakili bo‘ldi.
1969-yilda ta’sis etilgan va adabiyot
olamida nufuzi baland bo‘lgan Buker mukofoti ingliz tilidagi eng sara
asarlar uchun taqdim etiladi. G‘olibga 50 ming funt sterlingga teng chek
beriladi.