Буларни қилсангиз, терингиз сиздан миннатдор бўлади

13.08.2016

2035

Чиройли, соғлом тери  — ўзига қараб юрувчи қизларнинг биринчи ва асосий белгиси. Бу вазиятда ҳам камчиликлар билан курашишда бир қатор пардоз воситаларидан фойдаланилади: махсус пилинглар, кремлар, лосьонлар, ниқоб ва скраблар. Бироқ қимматбаҳо воситалар доим ҳам кутилган натижа беравермайди. 

Терини парваришлашга қаратилган қуйидаги тавсиялар доимо гўзал ва навқирон кўринишингизга ёрдам беради. 

Телефон экранини махсус тозаловчи салфеткалар билан артинг 

Ёноқларингизда тошмалар пайдо бўлганини ҳис этсангиз, бу мобиль телефон туфайли бўлиши мумкин.

Замонавий тадқиқотлар шуни тасдиқлайдики, мазкур девайсларда ҳожатхонага нисбатан ўн марта кўпроқ бактериялар мавжуд. Барча микроблар юзингизга ўрнашиб олмаслигини истасангиз, махсус салфеткалар ёрдамида телефон экранини тез-тез артиб туришга одатланинг.

Пардоз буюмларини тез-тез ювиб туринг

Пардоз учун буюмларни нотўғри ишлатиш тери қичишиши, ҳуснбузарлар пайдо бўлишига сабаб бўлади. Бундай кўнгилсиликлардан қочиш учун чўткалар, губкалар, аппликаторлар ва бошқа буюмларни доим ювиб туриш зарур. Бунинг учун одатий  антибактериаль салфеткалар яхши ёрдам беради.

Ўз овқатланиш меъёрингизни назорат қилинг

Ширин, ёғли таомлар терининг душмани ҳисобланади.  Бу барчага маълум. Бироқ бу ҳақида унутиб қўямиз. Монопарҳез каби қаттиқ озиқланиш чекловлари  — қуруқ, ажинли ва «чарчаган» терини таъминлаб берувчи асосий омил. Шу сабабли организмда «зарарли» маҳсулотлар билан бирга зарур  витамин ва минераллар йўқолиб қолишига йўл қўйманг.

Скраблардан керагидан ортиқча фойдаланманг

Скраблар чиндан ҳам терини янада текис ва ёрқин қилишга ёрдам беради, бироқ бу каби воситани ҳаддан зиёд ишлатиш шамоллаш хавфини оширади. Муаммоли ва қуруқ терили кишилар скраблардан  воз кечиб, юмшоқ тозаловчи лосьонлардан фойдалангани маъқул. Кимнинг териси ёғли бўлса, скрабларни ҳафтада икки маротаба ишлатса мақсадга мувофиқ бўлади.

Бассейнда чўмилишдан аввал ва кейин юзингизга крем суринг

Хлорланган сув терини жуда қуритиб юборади ва бироз хира, дағал қилиб қўяди.  Хлорнинг салбий таъсирини камаййтириш учун бассейнга боришдан аввал юзга озиқлантирувчи крем суртинг, чўмилиб бўлгач эса яхшилаб ювиниб, юмшатувчи кремдан фойдаланинг.

Спорт машқларидан сўнг дарҳол ювининг

Спортзалда ювиниш бироз ноқулайлик туғдириш мумкин. Бироқ оқаётган тери ўз вақтида ювиб ташланмаса, қора чизиқлар ва ҳуснбузарлар пайдо бўлади. Шу сабабли машқлардан сўнг дарҳол ювинишга одатланинг. 

Организм сизга юбораётган белгилардан огоҳ бўлинг

Қизил тошмалар ёки қичишиш, тери қуруқлиги,  шишиш — бу барча камчиликлар  жиддий касалликлардан дарак бериши мумкин.  Организмингиз сизга юбораётган бундай белгиларга эътиборли бўлинг ва ўз вақтида унга қарши чора кўринг.

Жуда ҳам иссиқ сувдан фойдаланманг

Ҳаддан зиёд иссиқ сув терини ҳимоя қилувчи ва ундаги намликни сақлаб турувчи ингичка ёғ қатламига зиён келтиради. Қайноқ сувда чўмилиш тезда ажин тушишига, тери қуришига олиб келади. Буни ёддан чиқарманг ва қайноқ сув ўрнига хона ҳароратидаги сувдан фойдаланинг. Manba: xabardor.uz