БУРЖГА ҚАРАБ КЕЛИН ТАНЛАНГ!

— Келинимизнинг туғилган куни қачон? — бўлажак қайнонамнинг саволи онамни бироз довдиратиб қўйди.

— 31 декабрь, ҳали анча бор.

— Демак, ўғлим билан ҳам, мен билан ҳам, бўлажак қайнопаси билан ҳам чиқишади. Фақат шу овсини билан тил топиша олмаса керак, — қайнонамнинг бу гапини эшитган онамнинг аҳволини тасаввур қилаверинг.

Буни қарангки, қайнонамнинг «башорат»лари амалга ошди. Энди билсам, ўшанда қайнонам буржимни билиш учун туғилган кунимни сўраган ва шунга кўра хулоса чиқарган экан.

Буржлар мутаносиблиги

Ҳамал қаттиқ, аммо шу билан бирга осон севиб қолади. У Мезон, Қавс, Асад бурж вакилалари билан тил топишиши осон. Саратон, Ақраб, Ҳут, Савр буржи вакилаларидан узоқ бўлганлари маъқул.

Саврга Ақраб ва Асад буржи вакилалари тўғри келмайди. Ўз бурж вакилалари билан ишда тил топишиши осон, лекин севгида эса акси. Ҳут ёки сокин табиатли Ҳамал билан оила ришаталари бақувват бўлади.

Жавзо ўз буржи вакилалари билан бахтли ҳам, бахтсиз ҳам бўлишлари мумкин, фақат уларни боғлаб турган кучли ҳиссиётни оддий севги деб бўлмайди. Ҳамал билан бир-бирини боғлаб турувчи қизиқиш оила мустаҳкамлигини таъминлайди. Далв билан боғловчи ҳиссиётлар кучли, бироқ оила учун етарли эмас. Жадий учун эса Жавзо жуда ўзгарувчан, Ҳут ва Мезон билан бахт топишлари учун шубҳалардан қутулишлари зарур. Жавзо учун энг мукаммал жуфт – Савр.

Саратон Далв ва Ҳут билан муносабатларда раҳбарликни олса мустаҳкам оила юзага келади. Савр билан ҳаётий қарашлари ўхшаш. Сунбула ва ўз буржи вакиласи билан эса муроса қилиши амри маҳол. Мезон эса Саратоннинг ҳаётини гуллатиб юборишга қодир. 

Ақлли Сунбула Асад билан иттифоқда раҳбарликни ўз қўлига олса ҳар иккиси ҳам гўзал умргузаронлик қилишади. Қавс Асаднинг худбинлигини юмшатади, Ҳамал, Жавзо, Мезон билан қурилган оила мустаҳкам бўлади. Ақраб ва Саврга эса яқинлашмаганлари маъқул. Ҳут эса Асадни ўзининг бекорчи орзулари ва ҳаракатсизлиги билан толиқтиради.

Сунбула ўз бурж вакиллари билан дўстлик ва иш борасида омадли иттифоқ туза олади, аммо оилага оид ҳиссиётларини романтик деб бўлмайди. Саратон Сунбулани зериктиради, Далв билан бир-бирини боғловчи қизиқишлари кўп. Асад, Қавс билан муносабатлари мустаҳкам.

Мезон учун оиланинг илк йили қийин кечиши мумкин. Жавзо ўзгарувчан бўлса, Мезон кўп иккиланади, муносабатлар узоққа чўзилмаслиги мумкин. Ҳамал, Асад, Далв билан яхши иттифоқ туза олади. Саратон ва Жадий билан эса тил топишиб, кўнглига йўл топиши амри маҳол.

Ақраб — кучли шахсият. Саратон, Ҳут, Мезон, Сунбула билан оилалари мустаҳкам бўлса, Қавс ва Асад буржи вакилалари билан бир-бирини тушуниши қийин кечади. Аксар ҳолларда Ақраб буржи вакиллари бошқаларнинг гапларига қулоқ тутишмайди, чунки бошқаларнинг ақл ўргатишларини ёқтиришмайди.

Икки Қавснинг ҳаёти саргузаштларга тўла ва қизиқарли кечади. Шунингдек, Қавсга Ҳамал, Далв бурж вакиласи ҳам тўғри келади. У Асаднинг қалбига ҳам осонликча йўл топа олади. Ҳут ва Сунбула билан эса, аксинча, иттифоқлари яхши бўлмаслиги эҳтимоли юқори.

Жадий деярли ҳамма билан тил топишади. Савр, Ақраб, Сунбула буржи вакилалари билан бахтли жуфтлик ҳосил қилиши эҳтимоли юқори. Жавзо ва Саратон билан эса иттифоқлари бахтли бўлмаслиги мумкин.

Далв дўстлик дея севгини қурбон қилмаслиги лозим. Муҳаббат ва оила учун эса у Мезон, Асад, Ҳут, Қавс, Сунбула Жавзо буржи вакилаларини қидиришлари лозим. Савр ва Ақраб буржи вакилалари билан эса бир-бирларини тушунишлари мушкул.

Ҳут Сунбула, Савр, Саратон, Жадий буржи вакилалари билан қурган иттифоқлари бахтли бўлиши эҳтимоли юқори. Шунингдек, Ақраб буржи вакиллари Ҳут буржини сўзсиз тушуна олиш хусусиятига эга. Мезон ва Жавзо буржи билан табиатлари бир-бирига мос эмас.

Мучаллар мутаносиблиги

•  Сичқон Буқа билан яхши чиқишади, бир-бирини қийинчиликда қўллаб-қувватлайди. Сичқон билан От ҳар иккиси ҳам худбин, улар ўртасидаги дўстликдан ҳам, севгидан ҳам бирор яхши нарса чиқиши мушкул.

•  Йўлбарс ва Тунғиз бир томондан эркин ва сабрли. Йўлбарс Тунғизни муҳофаза қилади. Тўнғиз ҳам бунга ўз вафодорлиги билан жавоб беради. Йўлбарс Маймун билан бир-бирига ён босишни билишмайди, бир-бирининг устида кулади, шу сабабли муносабатлари дарз кетиши эҳтимоли баланд.

•  Вафодор Ит ўзини Қуённинг ёнида яхши ҳис қилади. Муносабатларда ҳар икки томон ҳам меҳнат сарф қилади ва уларнинг муносабатлари самимият устига қурилади. 

•  Хўрознинг ҳадеб Қуённи тергайвериши оқибатида Қуёнбой тезда унинг ёнидан жуфтакни ростлайди. Бундан Хўроз қаттиқ қайғурмайди, Қуёнга нисбатан муҳаббати тезда сўнади.

•  Балиқнинг куч ва қуввати Ҳўрозни ҳайратда қолдиради, ҳар иккиси ҳам худбинликларини унутсалар, мукаммал иттифоқ туза оладилар. Балиқ Ит билан келишолмайди, улар ҳатто оддий суҳбатда ҳам бир-бирини асаб толаларини тортқиламасдан туролмайди.

•  Илон ва Маймун ҳар иккиси ҳам ақлли, улар учун рақобатлашиш ҳам айрича завқ бахш этади. Илон билан Тунғиз ҳиссиётчан бўлишига қарамай бир-бири билан тил топиши анчайин мушкул.

От ва Қуй бир-бирини ҳар томонлама тўлдириш хусусиятига эга. Улар бир-бирини сўзсиз тушуна олади ва ҳатто бир хил нарсадан завқланиб, бир хил нарсани ёқтиришмайди.


Комментарии (1) | Добавить: 15.09.2016
1. KHALID (16.09.2016 22:11)
Zor admin
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

O'zbekistonda Facebook ishlamay qoldi
Kechiktirib bo'lmaydigan tibbiy yordam ko'rsatishni rad etganlik uchun qanday jarima belgilanadi?
Umid Ahmadjonov O‘zbekiston milliy termasining bo‘lajak bosh murabbiyi bilan uchrashish uchun Dubayga uchib ketdi
Ravon brendi 2017-yil bo‘yicha Sibirda eng ko‘p ro‘yxatdan o‘tkazilgan avtomobilga aylandi
“Suzuk ota” majmuasi 2018-yilgi mustaqillik bayrami arafasida foydalanishga topshiriladi
Jahon iqtisodiyoti xakerlar sababli 600 mlrd dollarlik ziyon ko'rdi
Bojxona qo'mitasining yangi raisiga yangi o'rinbosar tayinlandi
Markaziy Osiyodagi eng korrupsiyalashgan davlat ma`lum qilindi
Qashqadaryoda yuziga niqob kiygan shaxslar omborxonaga hujum qildi
Qozog'iston lotin alifbosiga o'tdi
Saudiya Arabistonida bouling va bilyard-klublar ochishga ruxsat berildi
Qo'shni respublikalar bilan tinchlik-totuvlikda yashash kerak – Sooronbay Jeenbekov
Xitoyda grippga qarshi yangi vaksina yaratildi
Kartoshka bojxona to'lovlaridan ozod etildi
La Liga. "Real" safarda qiyin g'alabaga erishdi
Dunyodagi eng ulkan oltin koni
Chilim va elektron sigaretlarni qonun yo'li bilan taqiqlash vaqti yetmadimikan?
«Kerak bo'lsa stolbani ham olib borib qamardi». Prezident yana MXXning kirdikorlari haqida gapirdi
Messi yana bir ko'rsatkich bo'yicha «Real» futbolchisi rekordini yangiladi
Tramp «ruslar bilan band bo'lgan» FQBni jiddiy aybladi
Kim Chen Inning rafiqasi haqidagi ma’lumotlar
Япониялик аёл фарзандини видео ўйинлардан ҳимоя қилиш йўлини ўйлаб топди
“Ичкарида”ги Селал — Четин Текиндор
Umid Ahmadjonov: “Futbolchi o'z ustida ishlashi shart, aks holda unga litsenziya berilmaydi”
Moskvada 2021-yilgacha 50 ta yangi metro bekati ochiladi
“O‘zbekneftegaz” va Jizzakh Petroleum Ai-95 narxini o‘zgartirdi
O‘zbekistonda 8000 dan ziyod giyohvand bemor ro‘yxatda turadi
AQShda boshpanasizlar sovuqda qanday jon saqlaydilar?
Adliya organlarining moddiy-texnika bazasi yanada mustahkamlanadi
1 martdan boshlang'ich sinflarni 5 kunlik o'qishga o'tkazish rejalashtirilmoqda