Joriy yilda qismi muddat ichida Buxoro muhandislik texnologiya institutining 3 nafar o'qituvchisi pora ustida qo'lga olindi. Bu haqda Buxoro shahar prokurori Rashid Rahmatov xabar berdi.
Ulardan biri, institutning kimyoviy
texnologiyalar fakultetida assistent lavozimida ishlab kelayotgan Ismat
Davlatov talabalardan 660 ming so'm to'plab, bu pullarni qo'lga
kiritishga harakat qilayotganida qo'lga olindi.
Yana bir shaxs, shu institutning chizmachilik va chizma geometriya kafedrasi o'qituvchisi Qavmiddin Omonov
ham xuddi shu yo'l bilan, faqat kattaroq "stavka” belgilagan holda
talabalardan 1.225 mln so'm to'pladi. U bu pullarni kafedra mudiri
xonasida olayotgan paytida qo'lga olindi.
Institutning elektrotexnika va ishlab chiqarishda axborot kommunikatsiya texnologiyalari fakulteti dispetcheri vazifasida ishlovchi Sherzod Yarashov esa 2-kurs talabasi Murodjon Sirojovdan turli bahonalar bilan 300 dollar tama qilgan. Sirojov tegishli tashkilotlarga murojaat qilgan. Natijada poraxo'r 200 dollar pulni olayotgan chog'da qo'lga olingan.