Rossiyaning «Silovye mashiny» kompaniyasi 2015 yilning dekabr oyida Toshkent viloyati hududida joylashgan Chorvoq GESini modernizatsiya qilish ishlarini yakunlaydi. Mazkur inshoot modernizatsiyasi uchun va «O'zbekenergo», kompaniyasi materiallaridan foydalanilga holda umumiy hisobda 56,5 million AQSh dollar miqdorida mablag' sarflanadi, deb yozadi Sputnik nashri.
Chorvoq GES uskunalarini almashtirish natijasida mazkur elektr inshootining quvvati 45,5 MVtga etadi va yiliga qo'shimcha 120 million kVt-ch elektr energiya ishlab chiqarish imkoniyatini beradi.
2012 yilning may oyida «Silovye mashiny» aktsiyadorlik kompaniyasi «Kaskad O'rta-Chirchiq GES» unitar korxonasi bilan to'rtta gidro elektr stantsiyalarini ta'mirlash bo'yicha shartnoma imzolagandi. Mazkur shartnomaning moliyaviy shartlari e'lon qilinmagan.
Modernizatsiya bosqichma-bosqich amalga oshiriladi. Uskunalar o'rnatib bo'lingach, gidroagregatlarni modernizatsiya qilish davom ettiriladi. Bu dekabr oyiga mo'ljallangan.
Loyihani moliyalashtirish uchun sarflanadigan 56,5 million dollarning 35 million dollari O'zbekiston tiklanish va taraqqiyot jamg'armasi hisobidan, «O'zbekenergo» DAK mablag'lari hisobidan qoplanadi.