Испания қироли Филипп VI парламентнинг ҳар икки палатасини тарқатиб юбориш ва мамлакатда муддатидан аввал сайловларни 26 июнда ўтказиш ҳақидаги фармонини имзолади. Бу ҳақда қироллик саройида хабар қилинди.
Давлат раҳбари мазкур қарорини бугун, 3 май куни эрталаб депутатлар конгресси (қуйи палата) раиси Пачи Лопес билан учрашувда маълум қилган. Энди бу бўйича ҳужжат ҳукуматнинг расмий нашрида эълон қилингач кучга кирган ҳисобланади.
2015 йилнинг декабридан буён ўтган 4 ой ичида депутатлар конгресси бош вазирликка номзод масаласида бир қарорга кела олмади.
26 апрелда қирол Филипп VI янги номзод таклиф этмаслигини билдирган. Бу эса парламентнинг 3 майдан тарқатиб юборилгани ва янги сайлов 26 июнда бўлиб ўтишини билдиради.
Бундай ҳолат демократик йўлдан бораётган Испания тарихида биринчи бор кузатилиши ҳисобланади.