Dmitriy Medvedev Rossiya prezidentligiga nomzodini qo‘ymasligini bildirdi

30.11.2017

1112

Dmitriy Medvedev Rossiya telekanallariga an’anaviy yillik intervyusida bo‘lajak prezidentlik saylovlarida nomzodini qo‘yishni rejalashtirmaganini ma’lum qildi. Bu haqda “RIA Novosti” xabar bermoqda.

“Joriy siyosiy mavsumda o‘zimni bu o‘rinda ko‘rmayapman. Biroq ishlashni, albatta, davom ettiraman”, — dedi Rossiya bosh vaziri.

Hukumat raisi yaqin orada barcha nomzodlar ma’lum bo‘lishi, prezident nomzodini qo‘yish istagini bildirsa, “Yagona Rossiya” Vladimir Putinni qo‘llab-quvvatlashini bildirdi.

Eslatib o‘tamiz, Medvedev 2008—2012-yillarda Rossiya prezidenti lavozimini egallagandi.