ДНК компьютер таҳлили касалликларни топишда ёрдам беради

Олимлар тасарруфидаги беморларнинг генетик таҳлили ва касалликларнинг мунтазам равишда тўлдирилиб бориладиган маълумотлар базаси натижаларининг компьютер таҳлили аниқ ташхис қўйиш имконини беради, бу айниқса, ноёб касалликларга тааллуқли. Бу ҳақида Genetics in Medicine журнали маълум қилди. 

Ноёб генетик касалликлар тахмин қилинадиган беморларнинг 75 фоизи биринчи ДНК таҳлилидан кейин тўғри натижа олишмайди. Бироқ генетик касалликларнинг маълумотлар базаси тез ўсиб бормоқда. Олимлар ҳар йили 250 шундай касалликнинг сабабларини топишади.

"Бизнинг тадқиқотимиз ДНК тест натижаларининг қайта таҳлил қилиниши катта фойда келтириши мумкинлигини кўрсатмоқда, ахир мунтазам равишда кашфиётлар қилинмоқда", - деди тадқиқот муаллифларидан бири Стэнфорд университети Тиббиёт мактаби педиатрия профессори Жон Бернстайн. 

"Бироқ бизда бундай таҳлилни илгариги олимлар ва тиббиёт ходимларига ўхшаб қўлда ўтказиш учун етарли кишилар йўқ", - дея қўшимча қилди тадқиқотнинг катта муаллифи, Стэнфорд университети онтогенетика, компьютер фанлари ва педиатрия профессори Жил Бежерано.

Тадқиқот давомида олимлар геномларни автоматик таққослаш генетик касалликларни топишга ёрдам берадими ёки йўқ - текшириб чиқишди ва "технология унга қўйилган вазифани муваффақиятли бажармоқда" деган хулосага келишди. 


Комментарии (0) | Добавить: 16.08.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]