"Wealth-X and UBS Billionaire Census 2014” nashri butun dunyo
milliarderlari ro'yxatini chop etdi.
Bu ro'yxatdan hammasi bo'lib 2325 milliarder joy olgan. Ularga tegishli
bo'lgan umumiy mablag' 930 mlrd dollarni tashkil etdi.
Bu ro'yxatdan joy olgan 216 nafar milliarder ayoldan 17 foiz qismigina
o'z boyliklariga o'z kuchlari bilan erishganlar.
AQShning va dunyoning eng boy ayoli deb Kristi Velton tan olindi. Uning
boyligi 37,9 mlrd dollarni tashkil etdi. Unga bunday ulkan boylik
Walmart gipermarketlar tarmog'i asoschisining o'g'li – Jon Veltondan
meros qolgan. Jon 2005 yilda aviahalokatda halok bo'lgan.
Yevropa qit'asining eng boy ayoli va ro'yxatdagi eng keksa ayol deb
L’Oreal kosmetik kompaniyasining 92 yoshli egasi Lilian Betankur tan
olindi. Unga bu kompaniya otasidan meros qolgan. Uning boyligi 3,3 mlrd
dollar deb baholandi.
Yaqin Sharqning eng boy ayoli deb Apoalim bankining nazorat paketi
egasi va Arison Investments kompaniyasining egasi isroillik Sheri Arison
deb topildi. Unga bu boylik otasi Ted Arisondan meros sifatida o'tgan.
Uning boyligi 4,2 mlrd dollar atrofida baholanmoqda.