Eden Azar “Real” bilan kelishuvga erishdi

18.07.2018

1335

Londonning “Chelsi” klubining belgiyalik yetakchisi Eden Azar Madridning “Real” jamoasiga o‘tadigan bo‘ldi. Bu haqda RMC xabar berdi.

Manba xabariga ko‘ra Eden allaqachon madridliklar bilan kelishuvga erishgan. O‘yinchi “Real” bilan shaxsiy shartnomasining barcha jihatlarini hal qilib olgan. Faqat klublarning kelishib olsa bo‘lgani.

Madrid superklubi Azarga “Yuventus”ga o‘tib ketgan Krishtianu Ronalduning o‘rinbosari sifatida qaramoqda.

Eden Madridga “Chelsi” va Belgiya terma jamoasidagi jamoadoshi Tibo Kurtua bilan kelishi kutilmoqda.