Энрике Иглесиас ва Анна Курникова турмуш қуришмоқда

Қўшиқчи Энрике Иглесиас ва теннисчи Анна Курникова ўртасида бундан 10 йил илгари бошланган муҳаббат қиссаси ва ниҳоят тўй тантанаси билан мустаҳкамланадиганга ўхшайди. Ҳар сафар Энрике ёки теннисчи Аннадан муносабатлари ҳақида сўралганда, улар гап-сўзларни рад этиб, жавоб беришдан қочиб келишарди. Яқинда ОАВларда Энрике ва Аннанинг сайр вақтидаги суратлари тарқалди. Суратда эса ОАВнинг эътиборини Аннанинг қўлидаги ёқут кўзли узук тортди.

Суратларга асосланган ҳолда Аннадан “Бу узук Энрикедан совғами, унаштирилдингизми?”, деб сўрашганида, Курникова жавобдан ўзини олиб қочган, бироқ йўқ демаган. Орадан кўп ўтмай, Энрике испан телеканалларидан бирига интервью берган. Хонанда суҳбат чоғида Аннага уйланиш ниятида эканини айтган. Бу ҳақда “7days.ru” нашри ёзмоқда.
 
Шу билан бирга, Энрике Аннани кўп йиллардан бери ўз рафиқаси деб билишини, бироқ оила институти ҳақидаги фикрларга қўшилмаслигини айтган.
 
“Мен инсонларнинг бир-бирига бўлган муносабатини кўрсатиш ва исботлаш учун ўша бир парча қоғознинг керак эканига ишонмайман. Анна бутун ҳаётимдаги чин муҳаббатим. Айнан ҳозир мен буни буткул ишонч билан айта оламан. Балки 90 ёшга тўлганимда фикрим ўзгарар, аммо бундай бўлмайди, деб умид қиламан”. 

Комментарии (0) | Добавить: 10.08.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]