Endi tarix bo'lib qoladi: Toshkentdagi Kinochilar uyi va metro rahbariyati binosi buziladi

Yaqin orada Islom Karimov shohko'chasida Tashkent City xalqaro biznes markazi qurilishi munosabati bilan binolarning katta ko'lamli buzilish ishlari boshlanadi.

Sobiq O'zbekiston shohko'chasi, hozirda esa Islom Karimov shohko'chasining “O'zbekiston” metro stansiyasidan kelaverishdagi o'ng tomonidagi bir necha ko'p qavatli binolar buzilishi rejalashtirilgan. Ular orasida Kinochilar uyi, respublika OVIRi, Toshkent metropoliteni boshqarmasi, sobiq Fond Forum binolari bor. Ushbu ma`lumot “O'zbekkino” milliy agentligida tasdiqlangan.

“O'zbekkino”dagi manbaning aytishicha, ko'chaning o'ng tomonidagi, metroning “O'zbekiston” stansiyasidan boshlab “Bunyodkor” stansiyasigacha barcha binolar buzib tashlanadi. Bu hudud Tashkent City qurilishi uchun ajratiladi. 

"Bizga narsalarni yig'ishtirish buyurildi. Bir necha kun ichida binoni bo'shatib berishimiz kerak. Buzilish ishlari boshlanadi”, deb ta`kidlagan manba.

Manbaning qo'shimcha qilishicha, “O'zbekkino” qayerga ko'chishi bo'yicha yakuniy qarorga kelmagan, biroq taxmin qilinishicha, u Chilonzor ko'chasidagi hujjatli filmlar studiyasi “O'zkinoxronika” binosiga ko'chib o'tadi.

Qayd etish joizki, Respublika Kinochilar uyi O'zbekistonning sobiq rahbari Sharof Rashidovning jonbozligi bilan qurilib, 1982 yilda Osiyo, Afrika va Lotin Amerikasi davlatlari kinofestivali o'tkazilishi kunlari ochilgan. Kinochilar uyida 3 ta kinozal bo'lib, ulardan biri 900 kishiga, qolgan ikkitasi 230 va 50 kishiga mo'ljallangan.

Tashkent City xalqaro biznes markazi poytaxtning Alisher Navoiy, Olmazor, Islom Karimov va Furqat ko'chalari oralig'idagi 80 gektar hududda barpo etiladi. Loyihaga muvofiq Tashkent City’da biznes markazlar, savdo majmualari, mehmonxonalar, ofislar, kongress-xol, ko'rgazma zallari, ko'p qavatli zamonaviy uylar, restoranlar, sun`iy ko'l, favvoralar, ijtimoiy va boshqa ob`yektlar quriladi. 


Комментарии (0) | Добавить: 09.11.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Samsung, Apple va Huawei: kim o‘z smartfonlariga eng ko‘p ustama narx qo‘yadi?
Odam boshini ko‘chirib o‘tkazgan jarrohni yolg‘on gapirganlikda ayblashdi
Och qoringa qahva ichishning zararlari aniqlandi
«O'zbekenergo» AJ qish mavsumida aholiga energiya yetkazib berishni qanday rejalashtirmoqda?
Anhor bo‘yi va Chilonzorda daraxtlar yoppasiga kesib tashlanmoqda
Xitoyda “mo'`jizaviy qurol” namoyish qilindi
Shavkat Mirziyoyev Koreyada kutib olindi
O'zbekistonda mudofaaga oid yangi davlat qo'mitasi tashkil etildi
Toshkentda dam olish kunlari qor yog'ishi mumkin
Rossiya aholisi kamaymoqda: hamma umid muhojirlardan
Eng ko'p haq oluvchi ayol qo'shiqchi ma`lum qilindi
Putin Asad bilan uchrashdi
Toshkentdan chiqish yo'llari to'silgan: Xavfli shaxs qidirilmoqda
Suhbat. Filippindagi o'zbekistonlik menejyerning muvaffaqiyat siri
Muvaffaqiyatli rahbarlar ish kunini qanday o'tkazishadi?
Jyeyms Bond rolini yangi filmda kim ijro etishi ma`lum bo'ldi
Xalqaro Jinoyat Sudi Amerika razvedkasining Afg'onistondagi qora qilmishlarini fosh etadi
1 dekabrdan ish haqi, pensiyalar, stipendiyalar va nafaqalar miqdori oshadi
Facebook YouTube’ni «sindirmoqchi»
Paxtaga chiqmagani uchun ishdan haydalgan xodimlar ishga tiklandi
Rossiya O'zbekistonga neft yetkazib berishni boshladi
AQSh olimlari idish yuvish umrni uzaytirishini isbotlashdi?
Umrni uzaytirishning oddiy usuli aniqlandi
Qon guruhi havoning ifloslanishi tufayli infarkt kelib chiqish xavfiga ta’sir ko‘rsatadi
Elektr ta’minoti korxonasi vakilini onlayn ariza yordamida chaqirish imkoniyati yaratildi
«Real» Zidanga o'rinbosar qidirishni boshladi
Atamboyev endi nima qilishini aytdi
Qirolicha Yelizaveta II va shahzoda Filipp platina to'yini nishonlamoqda
Markaziy Osiyodagi eng qadimiy yozuv Qoraqalpog'istondan topilgan
Ravshan Ermatov JCh-2018 ishlashi mumkin bo'lgan hakamlar ro'yxatiga kiritildi