Eng avval otangni qadrini bilgin...

Ey do'stim davlating imkoning bolsa,
Tulporing choparga maydoning bölsa,
Manziling közlagan karvoning bölsa,
Eng avval otangni qadrini bilgin,
Eng avval onanga yaxshilik qilgin.

Zeb ziynat ustunmas ota-onangdan,
Mol davlat ustunmas ota-onangdan,
Hashamat ustunmas ota-onangdan,
Maishat ustunmas ota-onangdan,
Eng avval otangni qadrini bilgin,
Eng avval onanga yaxshilik qilgin.

Bugun qadah tutib turgan dilbarlar,
Yiqilsang bir kuni tashlab ketarlar,
Odam bo'lib ortga solgin bir nazar,
Eng avval otangni qadrini bilgin,
Eng avval onanga yaxshilik qilgin.

Oppoq sochlarida sabr beshigi,
Ajinlar qatori jabr beshigi,
Biz ochib kirmasak mehr eshigin,
Qarsillatib yopsak qadir eshigin,
Ulgur, ochilmasdan qabr eshigi,
Eng avval otangni qadrini bilgin,
Eng avval onanga yaxshilik qilgin.

Ey do'stim, davlating imkoning bo'lsa,
Tulporing choparga maydoning bo'lsa,
Manziling ko'zlagan karvoning bo'lsa,
Eng avval otangni qadrini bilgin,
Eng avval onanga yaxshilik qilgin.

Bu dunyo nimadir, bu dunyo o'yin,
Bugun yutsak erta yutqazish tayin,
Boshqa ishingni qo'y ey Ahad Qayum,
Eng avval otangni qadrini bilgin,
Eng avval onanga yaxshilik qilgin.

Bor boyligu naqding shular emasmi,
Bor davlatu taxting shular emasmi, 
Axir sening baxting shular emasmi,
Eng avval otani qadrini bilgin,
Eng avval onanga yaxshilik qilgin.

Ahad Qayum


Комментарии (3) | Добавить: 13.12.2015
3. lebedıpon (14.12.2015 17:35)
zör we'r gap yö:(
2. EMU (13.12.2015 21:09)
Zo'r
1. Shaxobiddin (13.12.2015 18:10)
Albatta menga ham yoqdi. Botir Qodirov ijrosida
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]